Хаартыска Уус Маайа улууһун дьаһалтатыттан
Быйыл Саха сиригэр национальнай бырайыактарынан уонна судаарыстыбаннай бырагыраамаларынан, уопсайа 124 социальнай эбийиэк – оҕо уһуйааннара, оскуолалар, успуорт саалалара, балыыһалар о.д.а. тутулла турар. Балартан үгүстэрэ бу сылга үлэҕэ киириэхтээх.
Кэнники сылларга элбэх улууска, киин куоракка доруобуйа харыстабылын саҥа эбийиэктэрэ тутуллаллара, саҥаттан өрөмүөннэнэллэрэ кэрэхсэбиллээх. Быйыл барыта доруобуйа харыстабылын 22 эбийиэгэ тутуллан бүтүөхтээх, ол иһигэр Уус Маайа бөһүөлэгэр, Чурапчы уонна Хонуу сэлиэнньэлэригэр балыыһа комплекстара, сэттэ быраас амбулаторията, биэлсэр-акушер пууна тутуллаллара былааннанар.
Биир улахан эбийиэк, Нерюнгри киин балыыһатын үс эбийиэгэ – А уонна Б блоктар, дьахтар консультациятын дьиэтэ хапытаалынай өрөмүөн уонна саҥаттан тутуу кэнниттэн үлэҕэ киириэҕэ.
Уус Маайа улууһун баһылыгын бастакы солбуйааччыта Софья Александрова санаатын үллэстэр:
— Уус Маайа улууһугар национальнай бырайыагынан, “Доруобуйа харыстабылын бастакы сүһүөх звенотун модернизациялааһын” бырагырааматынан аныгы олох ирдэбилигэр эппиэттиир балыыһа комплекса тутулла турар. Биир ыйынан бу балыыһа комплекса үлэҕэ киирээри турар. Манна мэдиссиинэ сайдыытыгар эппиэттиир саҥа оборудованиелар аҕалыллан таҥыллан туруоруллаллар. Ол курдук компьютернай томограф, маммограф, флюограф, рентген аппараат, УЗИ-аппараата, о.д.а. – бу барыта биһиги дьоммутун доруобуйатын туругун бэрэбиэркэлииргэ, эмтииргэ төһүү күүһүнэн буолуоҕа. Балыыһабыт 3 этээстээх, таас тутуу. Бастакы этээскэ оҕолору уонна улахан дьону көрөр тус-туспа ааннаах поликлиника, ону таһынан суһал көмө отделениета баар. Манна үчүгэйэ диэн суһал көмөнөн кэлбит ыарахан ыарыһах таһырдьаттан буолбакка, суһал көмө массыынатынан дьиэ иһигэр киирэр гына оҥоһулунна. Онон ыарыһах массыынаттан тута каталкаҕа сытан диагностическай отделга киирэр. Аны туран, аныгы кэм ирдэбилинэн, патологическай отделлаах буолуо. Үгүс балыыһаларга маннык кыаллыбат, оттон Уус Маайаҕа итинник баар. Лабораторията эмиэ туох баар анаалыһы оҥорорго аналлаах оҥоһуулаах, оборудованиелаах буолара былааннанар. Иккис этээскэ стационарнай ыарыһахтар сытыахтара. Балааталар олус киэҥнэр, хас биирдиилэригэр ороно функциональнай, ол аата сытар киһи хайдах баҕарарынан уларытыан сөп. Барыта ыарыһах киһи түргэнник үтүөрэригэр оҥоһуллан эрэр диэхпин баҕарабын. Үһүс этээскэ, икки улахан эпэрээссийэлиир сирдээх. Оборудованиета эмиэ барыта аныгыл ирдэбилгэ эппиэттиир. Дьахтар төрүүр отделениета эмиэ манна баар. Хас биирдии дьахтар сытар ороно остуолга кубулуйар, онон атын сиргэ илдьэ сатаабакка, онно тута төрөтөргө усулуобуйа оҥоһулунна. Онон дойду Бэрэсидьиэнигэр, Ил Дархаммытыгар, Бырабыыталыстыбабытыгар махталбытын этиэхпитин баҕарабыт. Уус Маайа элбэх социальнай эбийиэктэр тутуллан эрэллэр, өссө да былааннаналлар, онон сайдыа, сэргэхсийиэ диэн эрэнэбит.
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…