125 сылга дьоһун бэлэх

Алгыстан саҕаламмыт сахабыт литэрэтиирэтин бүтүн 125 сыллаах устуоруйатын бары кэрдиис кэмнэрин, сайдыытын сүрүн олуктарын, хайа “этигэн илбис тыллаах” суруйааччы тугу айан-суруйан биһиэхэ төрөөбүт тылбытынан астына ааҕар кыаҕы биэрбитин – барытын “Айар” кинигэ кыһата саҥа таһаарбыт баара-суоҕа биир кинигэтиттэн билиэххэ сөп буолла.

Ол — Саха Өрөспүүбүлүкэтин Бырабыыталыстыбатын Бэрэссэдээтилин солбуйааччы С.В. Местников тус көҕүлээһинэн,  “Саха Өрөспүүбүлүкэтин судаарыстыбаннай уонна дьиҥ таһымнаах тылларын харыстааһын уонна сайыннарыы” тосхол чэрчитинэн күн сирин көрбүт ”Саха литературата XX үйэҕэ” энциклопедия. Бу дьоһун таһаарыы сүрүн уратыта уонна сонуна диэн, манна 139 суруйааччы олоҕо, айар үлэтэ эрэ буолбакка, кинилэр туһунан биллиилээх дьон этиилэрэ уонна бастыҥ айымньыларыттан быһа тардыылар киирбиттэрэ буолар.

Афанасий ПЕТРОВ.