126 киһи үс ойуур баһаарын умуруорар

Бэс ыйын 22 күнүнээҕи туругунан, Саха сиригэр үс ойуур баһаара баар. Өлүөхүмэ оройуонугар 1900 га иэннээх сиргэ умайар ойуур баһаарын төгүрүйбүттэрэ эрээри, умуруора иликтэр. Ону тэҥэ, Үөһээ Халыма уонна Уус Маайа оройуоннарыгар икки саҥа баһаар күөдьүйбүтэ билиннэ. Манна барыта 126 киһи умуруора сылдьар. 

Бу сааскыттан саҕалаан өрөспүүбүлүкэҕэ барыта 38 ойуур баһаара умайда. Былырыыҥҥыны кытта тэҥнээтэххэ, бу кэмҥэ 125  баһаар баар этэ. Быйыл үбүлээһин эбиллэн, баһаар саҥа күөдьүйэн эрдэҕинэ була охсон, тута умуллара сатыыллар.

Дьааҥы, Мииринэй, Томпо оройуоннарыгар баһаартан сэрэхтээх буолуу үрдүк, 4-с кылаастаах эрэсиими уста иликтэр идэн СИА суруйар.