Ойуһардаах үөрэнээччилэрэ тыаҕа бөрөнү көрбүттэр

Орто Халыма улууһун Ойуһардаах сэлиэнньэтигэр үөрэнээччилэр тыаҕа сылдьан бөрөнү көрбүттэр. Бу туһунан «Халыма Долгуннара» телеграм-ханаал суруйар.

Оҕолор бөһүөлэк таһыгар күүлэйдии сылдьыбыттар. Бу кэмҥэ кинилэри кытта учууталлара сылдьыбыт. Бөрөнү көрөөт, оҕолор хаһыытаан-ыһыытаан куттаан үүрбүттэр. Кэлин бу бөрө бөһүөлэккэ киирбитин олохтоохтор көрбүттэр.

Дьаһалта тута сэрэхтээх буолуу миэрэлэрин тутуһарга дьаһал таһаарбыт. Бөрө бөһүөлэк ыттарыгар саба түспүт. Олохтоохторго уонна дьиэ кыылларыгар кутталы суоһаабатын диэн олохтоох Василий Дьячков бөрөнү ытыалыырга күһэллибит.

Ойуһардаах оскуолатын учуутала Евдокия Винокурова бөрөнү хаартыскаҕа түһэрбит.