Хаартыска: Быыһыыр сулууспа пресс-сулууспата
Саха сирин быыһыыр сулууспата ыам ыйын 28 күнүгэр Эбээн Бытантай улууһугар үс улахан киһини уонна 11 саастаах оҕону ситиһиилээхтик эвакуациялыыр үлэни ыытта.
Ыам ыйын 27 күнүгэр киэһэ 17:30 чааска Эбээн Бытантай улууһугар дьону суһаллык эвакуациялыыр наадалааҕын туһунан быыһыыр сулууспа дьуһуурунайыгар иһитиннэрии киирбит. Быыһыыр сулууспа иһитиннэринэн, биэс киһилээх массыына оройуон киинин Баатаҕай-Алыытыгар Кустуур нэһилиэктэн айаҥҥа туруммут. Аара айан суолугар массыына хаайтарбыт. Кинилэргэ көмө оҥорорго эр киһи суоппар таһаҕас массыынатынан 11 саастаах оҕотун кытта утары айаннаабыт. Бу кэмҥэ халаан уута саҕаламмыт. Сааскы халаан уута биэтэктэн тахсан, суолу быһыттаабыт уонна салгыы айанныырга мэһэйдэри үөскэппит.
СӨ Бырабыыталыстыбатын хамыыһыйатын быһаарыытынан, «Полярные авиалинии» хампаанньа «МИ- 8» бөртөлүөтү көтүппүт. Киэһэ 17:34 чааска Үөһээ Дьааҥытааҕы көрдүүр- быыһыыр этэрээт бөлөҕө Егор Слепцов салайааччылаах «Полярные авиалинии» хампаанньа «МИ-8» бөртөлүөтүнэн быһылаан тахсыбыт миэстэтигэр айаннаабыттар. Ол кэннэ 20:46 чааска эмсэҕэлээччилэри «Лахай» диэн сиргэ ыйыллыбыт сиртэн 2 км тэйиччи булбуттар. Быыһыыр этэрээт 3 киһини, ол иһигэр биир оҕону эвакуациялабыттар, атын 4 киһи эвакуациялыыртан аккаастаммыттар.
— Быыһыыр сулууспа суһал көмөтүн иһин махтанабыт!, — диэн Эбээн Бытантай улууһун баһылыгын э.т. Александра Иванова махталын биллэрдэ. – Биһиги ордук оҕо доруобуйатын иһин долгуйбуппут. Кини олус сэдэх ыарыынан ыалдьар буолан, күннэтэ эмп ылыахтаах.
Оҕо доруобуйатыгар билигин туох да куттал суох, эмсэҕэлээбиттэри «Суһал көмө» көрүстэ.
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…