Салгыы
Нам улууһугар мобильнай быраастар биригээдэтэ үлэлиир

Нам улууһугар мобильнай быраастар биригээдэтэ үлэлиир

Ааптар:
04.06.2024, 15:30
Хаартыска: sakha.gov.ru
Бөлөххө киир:

Ыам ыйын 31 күнүттэн элбэх хайысхалаах өрөспүүбүлүкэтээҕи быраастар мобильнай биригээдэтэ Нам улууһугар халаан уутуттан эмсэҕэлээбит нэһилиэктэр олохтоохторугар мэдиссиинэ көрүүтүн тэрийэн ыытар. Биригээдэ састаабыгар терапевт, кардиолог, невролог, эндокринолог, ЛОР, офтальмолог, УЗД, педиатр быраастар үлэлииллэр.

Быраастар бастакы мэдиссиинэ көмөтүн оҥороллор. Бэс ыйын 3 күнүгэр мэдиссиинэ көрүүлэринэн Хатырык, Эйик, Маймаҕа уонна Моодут нэһилиэктэрэ хабылыннылар. Барыта 229 киһи көрүлүннэ, олортон оҕото — 43. Салгыы биригээдэ Бөтүҥ, Граф Биэрэгэ уонна Аппааны олохтоохторугар мэдииссиинэ көмөтүн оҥоруохтара. Бу иннинэ өрөспүүбүлүкэтээҕи мобильнай биригээдэрэ быраастара Өлүөхүмэ улууһугар халаан уутуттан эмсэҕэлээбит нэһилиэктэр олохтоохторугар анал мэдииссиинэ көмөтүн оҥорорго сылдьыбыттара.

Санатан эттэххэ, «Мобильнай биригээдэлэр өрөспүүбүлүкэтээҕи киинэ» бырайыагы Ил Дархан Айсен Николаев көҕүлээбитэ. Бу үлэ Саха сиригэр дойду Бэрэсидьиэнэ Владимир Путин көҕүлээбит «Доруобуйа» национальнай бырайыак сыалын уонна соруктарын толорууга ыытыллар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: