Кулун тутар 9-12 күннэригэр «Триумф» успуорт киинигэр 2003-2005 сс. төрүөх улаатан эрэр оҕолорго көҥүл тустууга уонна дьахталлар тустууларыгар олимпийскай чөмпүйүөн Роман Дмитриев сырдык аатыгар уонна Саха сиригэр физическэй хамсааһын 100 сылыгар аналлаах аан дойдутааҕы күрэхтэһии ыытыллыа.
Көбүөргэ Азербайджан, Армения, Белоруссия, Греция, Индия, Иран, Казахстан, Кыргызстан, Монголия, Узбекистан, Таджикистан уонна Молдова инники күөҥҥэ сылдьар бөҕөстөрө тахсыахтара.«Бүгүн биһиги Арассыыйа успуордун устуоруйатыгар судургута суох түһүмэҕи ааһан эрэбит. Аан дойду өттүттэн дьайыылары аахсыбакка, биһиги тас дойдуларга баар бииргэ үлэлэһэр дьоммутун кытары ыкса сибээһи тутабыт. Дойду Бэрэсидьиэнин көмөлөһөөччүтэ Игорь Левитин «Мы вместе. Спорт» пуорумун чэрчитинэн ыытыллыбыт РФ успуордун министиэристибэтин кэллиэгийэтин мунньаҕар бэлиэтээбитин курдук, биһиги аан дойдутааҕы сибээстэри тутан олоробут уонна ХНТ, БРИКС, ШОС уонна Евразийскай экэнэмиичэскэй холбоһуктар дойдуларын спортсменнара кыттыылаах улахан турнирдары ыытабыт. Көҥүл тустууну сөбүлээччилэри кыраһыабай тустууну, хапсыһыыны көрө уонна улуу спортсмен Роман Дмитриев өйдөбүлүн чиэстии кэлэргитигэр ыҥырабыт», — диэн ыҥырда физическэй култуураҕа уонна успуорка миниистирэ Леонид Спиридонов.
Быйылгы күрэхтэһии уратытынан, турнир уон сыллаах устуоруйатыгар аан маҥнай көбүөргэ кыргыттар тахсыылара буолуо.
Турнир чэрчитинэн идэни үрдэтэр семинардар, улуу спортсмен Роман Дмитриев олоҕун, үлэтин туһунан быыстапкалар ыытыллыахтара.
СӨ Ил Дарханын уонна Бырабыыталыстыбатын пресс-сулууспата
Бүгүн Бэрэсидьиэн Владимир Путин алта сыллаах болдьоххо дуоһунаһыгар киирэр сиэрэ-туома буолла. Кини норуотун иннигэр андаҕар…
Бүгүн Владимир Путин Арассыыйа Бэрэсидьиэнин солотугар киирдэ. Бу бэлиэ түгэнинэн "Айар" кинигэ кыһатын генеральнай дириэктэрэ…
Бүгүн Владимир Путин Арассыыйа Бэрэсидьиэнин солотугар киирдэ. Бу бэлиэ түгэн туһунан Дьокуускай куорат 30 №-дээх…
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолла. СӨ Уопсастыбаннай балаататын…
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолан ааста. Бу ураты…
"Бастакылар хамсааһыннарын" көхтөөх кыттааччылара, үөрэнээччилэр Улуу Кыайыы 79 сылынан Дьокуускайга П.А.Ойуунускай аатынан норуоттар икки ардыларынааҕы…