Ил Дархан, бырабыыталыстыба пресс-сулууспата.
15 улууска уонна Дьокуускайга РСЧС бэрэбиэркэтэ буола турар. Исписэлиистэр 13 улуус халааҥҥа бэлэмин номнуо бэрэбиэркэлээтилэр. Өссө 11 улууһу онлайн кэмпириэнсийэ көрүҥүнэн истиэхтэрэ. Бу туһунан бырабыыталыстыба бэрэссэдээтэлин бастакы солбуйааччы Дмитрий Садовников иһитиннэрдэ.
— Кулун тутар 11 күнүттэн муус устар 18 күнүгэр диэри 15 улууска уонна Дьокуускай куоракка халаан уутун туох да содула суох аһардарга бэлэмнэнэр хамаанданан-ыстаабынан үөрэх ыытыллар. Алдан, Амма, Чурапчы, Уус Маайа, Нам, Томпо, Кэбээйи, Уус Алдан, Ленскэй, Бүлүү, Ньурба, Өлүөхүмэ, Хаҥалас улуустарыгар номнуо ыытылынна, — диэн Садовников кэпсээтэ.
Үлэ былаан быһыытынан баран иһэр. ЫБММ үлэһиттэрэ ыксаллаах быһыыга туох тэрээһин ыытылларын, хас бөлөх тэриллэрин быһааран олороллор.
— Халааҥҥа хабыллыан сөптөөх нэһилиэктэргэ нэһилиэнньэ туһунан сибидиэнньэни, хас дьиэ ууга барыан сөбүн туһунан чуолкайдыыр ирдэбил ыытыллыбыта. Биир испииһэк оҥоһуллуоҕа. Ыам ыйын ортотугар диэри 23 гидротехническэй тутуу бэрэбиэркэлэниэҕэ, — диэн ЫБММ Саха сиринээҕи сүрүн управлениетын начаалынньыга Павел Гарин иһитиннэрдэ.
Саха сириэр халаан уутугар барыан сөптөөх 121 нэһилиэнньэлээх пуун баар, онно 24 тыһыынчаттан тахса киһи олорор. 26 муниципальнай тэриллиигэ 6629 дьиэ, 223 социальнай эбийиэк, 51 экэниэмикэ эбийиэгэ, 99 олоҕу-дьаһаҕы хааччыйар эбийиэк ууга барыахтарын сөп. Онон бэлэмнээх буолуохха наада.
Ил Дархан, бырабыыталыстыба пресс-сулууспата
Муус устар саҥатыгар ИДьМ дьуһуурунай чааһыгар Хаҥалас оройуонугар Улахан Ааҥҥа чааһынай дьиэ умайбытын туһунан иһитиннэрии…
“Мин санаам бары салаалара салҕанан барыахтарын баҕарабын...” (“Пусть нити моих мыслей продолжаются...”). Бу П.А.Ойуунускай аатынан…
П.И. Дудин аатынан Дьокуускайдааҕы сибээс уонна информационнай технология кэллиэһин баазатыгар космическай кэтээн көрүү дааннайдарын уонна…
Муус устар 12-18 күннэригэр Дьокуускай куоракка физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ буолан ааста.…
Саха сирин ИДьМ холуобунай ирдэбилин управлениетын оперативниктара Булуҥ оройуонугар урут сууттана сылдьыбыт 34 саастаах киһини…
Олоххо араас түгэн баар. Холобур, сорохтор кистии-уора болкуоҥҥа шашлык эмиэ буһарар түгэннэрэ тахсар. Мапнна биир…