13 ыччат лабораторията эбии тутулунна

Саха сиригэр  13 ыччат саҥа  лабораториятын эбии туттулар. Онно 150-тан тахса эдэр учуонай үлэлиэҕэ. Учуонайдары өйүүр үлэ эрэгийиэҥҥэ дойду Бэрэсидьиэнэ Владимир Путин көҕүлээбит «Наука уонна университет» национальнай бырайыак чэрчитинэн барар.

Бу туһунан быһа эфиргэ өрөспүүбүлүкэ үөрэҕин уонна наукатын миниистирин бастакы солбуйааччы Михаил Присяжнай иһитиннэрдэ.

«Нацбырайыак сүрүн соруга — аан дойду таһымыгар арыйыыны оҥорор кыахтаах учуонайдар саҥа көлүөнэлэрин иитэн таһаарыы. Бу национальнай бырайыак көмөтүнэн өрөспүүбүлүкэҕэ 13 ыччат саҥа лабораторията эбии тутулунна», — диэн Михаил Присяжнай кэпсээтэ.