Салгыы
«Азия оҕолоро» оонньууларга бейджиктары уонна пропустары биэрии саҕаланна

«Азия оҕолоро» оонньууларга бейджиктары уонна пропустары биэрии саҕаланна

Ааптар:
10.06.2024, 14:45
Хаартыска: sakha.gov.ru
Бөлөххө киир:

Бэнидиэнньиккэ, бэс ыйын 10 күнүгэр, «Азия оҕолоро» норуоттар икки ардыларынааҕы оонньуулар тэрээһиннэригэр бейджиктары уонна пропустары биэрии саҕаланна.

Аккредитация каартата Дьокуускай 31 №- дээх оскуолатын баазатыгар Сүрүн иһитиннэрэр кииҥҥэ бэриллэр. Бу туһунан Саха сирин физическэй култуураҕа уонна успуорка миниистрин солбуйааччы Гаврил Мохначевскай иһитиннэрдэ.

«Бары регистрацияламмыт тэрилтэлэргэ аккредитацияны докумуоннарын ылыыга дэбиэрэннэс докумуонун көрүҥэ ыытылынна. Хас биирдии тэрилтэ бэрэстиибэтэлэ ыйыллыбыт болдьоххо пааспардаах уонна дэбиэринэстээх кэлэллэрэ ирдэнэр. Хас биирдии үлэһит ахсын СМИ-тэн ураты беджик бэриллэрэ көрүллүбэт», — диэтэ Гаврил Мохначевскай.

Миниистри солбуйааччы этэринэн, «Азия оҕолоро» оонньуулары тэрийэн ыытар аккредитацияларга сайаапкалары ылыы түмүктэннэ. Барыта 24 тыһыынча кэриҥэ киһи аккредитацияланыаҕа. Бастатан туран, култуура бырагырааматын кыттыылаахтара, волонтердар уонна полиция үлэһиттэрэ ылыахтара. «Азия оҕолоро» оонньуу эбийиэктэригэр киллэрии аккредитационнай бейджиктарга ыйыллыбыт эбийиктэринэн эрэ оҥоһуллар. Атын эбийиэктэргэ сылдьыы көҥүллэммэт.

Санатан эттэххэ, «Азия оҕолоро» оонньуулара Дьокуускайга  бэс ыйын 25 күнүттэн от ыйын 7 күнүгэр диэри ыытыллыаҕа.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: