Бекренев уонна Скрябин БРИКС оонньууларыгар боруонса мэтээл иһин киирсиэхтэрэ
Бу күннэргэ Казань куоракка БРИКС дойдуларын оонньуулара ыытыллар. Манна 60-тан тахса судаарыстыбаттан тыһыынчаттан тахса спортсмен кыттар. Кинилэр ортолоругар түөрт Саха сирин спортсменнара күрэхтэһэллэр.
Бэҕэһээ, бэс ыйын 17 күнүгэр, көҥүл тустууга Саха сирин бөҕөстөрө Андрей Бекренев уонна Ньургун Скрябин Беларусь хамаандатын састаабыгар кииристилэр. 65 кг ыйааһыҥҥа Андрей Бекренев бастакы хапсыһыыга 3:2 ахсаанынан Казахстан бөҕөһө Рифат Сайбаталованы кыайда. Оттон Ньургун Скрябин 70 киилэҕэ Афганистантан Заида Салихи кытта киирсэн, 7:1 ахсаанынан кыайыылаах таҕыста.
Полуфиналга Бекренев 4:7 ахсаанынан Азербайджантан Мурад Хагвердиевка хоттордо, оттон Скрябин Арассыыйа сүүмэрдэммит хамаандатын лидерэ Дагестантан Курбан Шираевка 2:8 ахсаанынан хотторон кэбистэ. Бүгүн, бэс ыйын 18 күнүгэр, саха спортсменнара боруонса мэтээл иһин киирсиэхтэрэ.
Сообщить об опечатке
Текст, который будет отправлен нашим редакторам: