Хаартыска: СИА
Сыл саҕаланыаҕыттан Саха сиринээҕи дьарыктаах буолуу сулууспатыгар 288 анал байыаннай дьайыы кыттыылаахтара уонна кинилэр дьиэ кэргэттэрин чилиэттэрэ тахсыбыттар, онтон 154-дэ үлэлэн хааччылыннылар.
Итиэннэ сайыҥҥы сынньалаҥ кэмигэр байыастар 21 оҕолоро быстах үлэнэн хааччылыннылар. Профессиональнай үөрэхтээһиҥҥэ уонна эбии үөрэхтээһиҥҥэ 64 киһи ыытылынна. Бу туһунан бэс ыйын 18 күнүгэр СӨ Нэһилиэнньэ дьарыктаах буолуутун киинин дириэктэрэ Николай Иванов иһитиннэрдэ.
«Дьарыктаах буолуу сулууспата аадырыстаах көмөнү оҥорор. Анал байыаннай дьайыы кыттыылаахтарыгар уонна кинилэр дьиэ кэргэттэрин чилиэттэригэр үлэнэн хааччыйыыга ураты болҕомто ууруллар. Кинилэргэ үлэ миэстэтин таһаарыыга, психологическай, социальнай адаптацияҕа уонна профессиональнай үөрэхтээһиҥҥэ көмө оҥорууга судаарыстыбаннай өйөбүлү туһанналар. Хас биирдии киһиэхэ тус куратор бэриллэр», — диэн бэлиэтээтэ Николай Иванов.
Бэс ыйыгар Саха сиринээҕи «Аҕа дойдуну көмүскээччилэрэ» анал байыаннай дьайыы кыттыылаахтарын өйүүр судаарыстыбаннай пуонда филиалын кытта бииргэ үлэлээһин туһунан сөбүлэһии түһэрсиллибитэ. Пуонда иһинэн олохтоохторго суһал консультация биэриигэ Нэһилиэнньэ дьарыктаах буолуутун киинин исписэлииһэ сыһыарыллан үлэлиир. Бэс ыйын 17-26 күннэригэр Дьарыктаах буолуу судаарыстыбаннай кэмитиэтэ үлэ ырыынагар кыһалҕаны намтатыыга туһуламмыт эбии үлэлэри тэрийиигэ үлэ биэрээччилэригэр тус сүүмэрдээһини ыытар.
Субсидияны биэрии бэрээдэгэ Саха сирин Бырабыыталыстыбатын уурааҕынан бигэргэммитэ. Манна субсидияны ылыыга урбаанньыт анал байыаннай дьайыы кыттыылаахтарыгар ураты болҕомто ууруллар.
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…
Бүгүҥҥүттэн православнай христианнарга Улуу пост иннинээҕи бырааһынньык - Масленица саҕаланна. Саха дьоно төһө да бары…
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…