Владимир Путин Вьетнамҥа Муусука Үрдүкү оскуолатын хайҕаата

Бэс ыйын 20 күнүгэр РФ Бэрэсидьиэнэ Владимир Путин Вьетнамҥа оробуочай сырыытын кэмигэр Ханоэ куорат Улахан Опера тыйаатырыгар Арассыыйа үөрэх кыһаларын бүтэрбит Вьетнам выпускниктарын кытары көрсүһүүгэ В.А. Босиков аатынан Муусука үрдүкү оскуолата үтүө холобур буоларын бэлиэтээтэ.

«Мин Хотугу Кэриэйэҕэ, Вьетнамҥа айаннаан иһэн Саха Өрөспүүбүлүкэтигэр оробуочай үлэ сырыытынан сылдьан турардаахпын. Саха сирэ — Арассыыйа саамай улахан эрэгийиэнэ. Манна 2000 сыллар иннинэ Муусука Үрдүкү оскуолата төрүттэммитэ. Олохтоох былаастар өрөспүүбүлүкэ бары оройуоннарыттан талааннаах оҕолору хомуйаллар. Кинилэр бу оскуолаҕа кэлэннэр муусуканан утумнаахтык дьарыктаналлар. Бу курдук, Саха сиригэр, Арассыыйаҕа муусукааннары бэлэмнииллэр».