«Азия оҕолоро»: күрэхтэһиилэр, тэрээһиннэр, чахчылар

Бу күннэргэ «Азия оҕолоро» Норуоттар икки ардыларынааҕы VIII спортивнай оонньууларга сылдьаары улуустартан үгүс киһи анаан көрө-истэ кэллэ. Онон сибээстээн бүгүн хаһыаппытыгар “Туох? Ханна? Хаһан?” диэн ыйынньык бэлэмнээтибит. Көрүҥ, билиҥ, туһаныҥ.

СПОРТИВНАЙ КҮРЭХТЭҺИИЛЭР

Н. Н. Тарскай аатынан стадион

•  чэпчэки атлетика

“Модун” спортивнай комплекс

•  үҥкүү успуорда (“двоеоборье” дьиссипилиинэтэ)
•  мас-рестлинг

Комсомольскай болуоссат

•  баскетбол
•  үҥкүү успуорда (брейкинг)

“Дохсун” спортивнай комплекс

•  бокс
•  художественнай гимнастика
•  скалолазание

“Эллэй Боотур” Муус дыбарыас

•  тхэквондо
•  дзюдо
•  кураш

“Триумф” успуорт киинэ

•  спортивнай тустуу
•  самбо
•  “Алыш” курдаах тустуу
•  хапсаҕай

“Чолбон” сөтүө бассейна

•  сөтүө

“Юность” стадион

•  ох саанан ытыы

“Сулус” физкультура уонна чэбдигирдии комплекса

•  остуол тенниһэ
•  кикбоксинг

Саха национальнай гимназията (ЯГНГ)

•  буулдьанан ытыы

“Олимпиец” спортивнай ытыы комплекс

•  стендовай ытыы

ХИФУ естественнэй наукаларын куорпуһа

•  саахымат

Элбэх өҥөнү оҥорор спортивнай саала

•  волейбол (кыргыттар)

Ф. И. Авдеева аатынан Оҕо айар дыбарыаһа

•  Го

“Стерх” спортивнай комплекс

•  волейбол (уолаттар).Полуфинал. Финал.

“Кыайыы 50 сыла” Успуорт дыбарыаһа

•  мини-футбол (футзал)

КУЛТУУРУНАЙ ТЭРЭЭҺИННЭР

•  Бэс ыйын 26 күнэ — 19.00 ч.: Н. Н. Тарскай аатынан стадиоҥҥа ”Азия оҕолоро” Норуоттар икки ардыларынааҕы VIII спортивнай оонньуулар аһыллыыларын сиэрэ-туома. Режиссер-постановщик — СӨ ускуустубатын үтүөлээх диэйэтэлэ — Руслан Тараховскай. Билиэт сыаната (олорор сириттэн тутулуктаах) — 2000–3500 солк. Билсэр төлөпүөн: 733–664.

•  От ыйын 6 күнэ — 20:00 ч.: Н. Н. Тарскай аатынан стадиоҥҥа ”Азия оҕолоро” норуоттар икки ардыларынааҕы VIII спортивнай оонньуулар сабыллыыларын сиэрэ-туома. Финальнай шоу режиссёра — Михаил Степанов. Параат уонна официальнай чаас режиссера — Алексей Константинов. Билиэт сыаната (олорор сириттэн тутулуктаах) — 2000–3500 солк. Билсэр төлөпүөн: 733–664

•  Бэс ыйын 1 күнэ: “Арассыыйа — мин устуоруйам” Историческай мультимедийнай пааркаҕа “Азия оҕолоро” норуоттар икки ардыларынааҕы VIII спортивнай оонньуулары көҕүлээбит Саха сирин Бастакы Бэрэсидьиэнэ Михаил Ефимович Николаевка аналлаах «Дети Азии — от идеи к истории» мультимедийнай быыстапка.

•  Бэс ыйын 27 күнүттэн от ыйын 5 күнүгэр диэри Дьокуускай куорат Орджоникидзе уонна Доҕордоһуу болуоссаттарыгар араас тэрээһиннэр ыытыллыахтара.
•  Бэс ыйын 28–30 күннэрэ: СӨ Судаарыстыбаннай цииркэтигэр Норуоттар икки ардыларынааҕы VII «МАМОНТёнок‑2024» бэстибээл ыытыллыаҕа. Тэрээһиҥҥэ 50 артыыс уонна Арассыыйа, Казахстан, Беларусь, Кытай, Монголия, Вьетнам цииркэлэриттэн бэстибээл 10 бочуоттаах чилиэнэ үлэлиэҕэ.

•  Бэс ыйын 28 күнэ-от ыйын 3 күнэ: Саха академическай тыйаатырын былаһааккатыгар ускуустуба Арктическай пуорумун чэрчитинэн “Киинэ ускуустубата уонна “Азия оҕолоро” оонньуулар” тиэмэҕэ VII норуоттар икки ардыларынааҕы«Желанный берег» киинэ бэстибээлэ ыытыллыаҕа. Куонкуруска 9 омук дойдуларыттан уонна Арассыыйаттан 10 киинэ көстүөҕэ.

•  “Азия оҕолоро” оонньууларын устата Эргэ куоракка “Маастардар куораттара” бэстибээл, Саха сирин норуот маастардарын быыстапка-дьаарбаҥката буолуоҕа.

•  24 улуустан 64 айар кэлэктииптэн 1720 оҕо кытта кэллэ. Кинилэри 7 эбийиэгинэн олохтоотулар. Оонньуулар аһыллыыларын театрализованнай көстүүтүгэр аныгы үйэҕэ араас омук оҕолоро көмпүүтэр оонньуутугар билсэн, кинилэр доҕордоһууларын күүһэ арыллыаҕа. Сүрүн оруолу — эбэҥки кыыһын Кындыкаан оруолун Саха гимназиятын үөрэнээччитэ Самаана Портнягина толорор.
•  «Азия оҕолоро» VIII оонньуулар эбийиэктэрин саҥардан тутууга “Триумф” спортивнай комплекс аттыгар турар “Набережная” диэн Сайсары Эбэ үрдүгэр турар сынньалаҥ бульвара эмиэ киирсэр. Манна успуордунан дьарыктанар тэриллэр туруохтара, сынньанар ыскаамыйалар баар буолуохтара.
•  “Азия оҕолоро” норуоттар икки ардыларынааҕы успуорт оонньууларын кыттыылаахтарын 60‑тан тахса тылбаасчыт арыаллыаҕа. Тэрээһиннэринэн уонна эбийиэктэринэн үлэҕэ 35киһини бэлэмнээтилэр. Атташе (дэлэгээссийэлэр салайааччылара) тылбаасчыттара — 32 киһи. Ыам ыйын 15 күнүттэн тылбаасчыттар суругунан үлэлэрин саҕалаабыттара. ХИФУ ИЗФиР 4 выпускнига сонуннары уонна официальнай докумуоннары тылбаастааһынынан дьарыктанар. Кинилэргэ эбии “Азия оҕолоро” норуоттар икки ардыларынааҕы спортивнай оонньуулар пресс-киинин 4 үлэһитэ кыттыһыаҕа. Маны таһынан, ХИФУ-тан уопуттаах тылбаасчыттар, английскай тылынан холкутук кэпсэтэр бастыҥ устудьуоннар успуорт эбийиэктэрин аайы сыһыарылыннылар.
•  «Азия оҕолоро» VIII оонньуулар күрэхтэһиилэрин биир сүрүн эбийиэгинэн “Дохсун” спортивнай комплекс буолар. Манна спортивнай гимнастика, бокс уонна сонун көрүҥ — “хайаҕа ыттыы” (скалолазание) күрэхтэһиилэрэ ыытыллыахтара.
•  Бэс ыйын 22 күнүттэн саҥардыллыбыт “Триумф” успуорт комплексын гостиницатыгар күрэхтэһиилэр кыраапыктарынан сөп түбэһиннэрэн, судьуйалар кэлэн олоруохтаах хосторо толору бэлэм. Остолобуойу эмиэ саҥардан, тупсаран оҥорбуттар. Манна оонньуулар кэмнэригэр кыттааччылары таһынан, ким баҕалаах эмиэ киирэн үссэниэн сөп.