Ил Дархан Үөдүгэйгэ универсальнай спортивнай комплекс тутуутун бэрэбиэркэлээтэ
![](https://sakha-sire.ru/wp-content/uploads/2024/06/381eb585046f76b867ea7d0e5110dc853559b6fa-1060x596.jpeg)
Үөһээ Бүлүү улууһугар оробуочай сырыытын чэрчитинэн Ил Дархан Айсен Николаев быйыл Үөдүгэй нэһилиэгэр спортивнай единоборстволар универсальнай комплексын эбийиэгин тутууну түмүктүүргэ сорудахтаата.
Саҥа эбийиэк Үөдүгэй нэһилиэгин 3 №-дээх оскуола иһинэн сыһыарыллыбыта.Успуорт единоборстволарын комплексын уопсай иэнэ 1700-тэн тахса кв.м. буолуоҕа. Манна икки көбүөрдээх хапсыһыы саалата, тириэньэр, быраас хосторо, санузел уонна душ хосторо, сыгынньахтанар хостор, тренажернай, хаһаайыстыбаннай дьиэлэр, ону сэргэ 22 миэстэлээх интэринээт баар буолуоҕа.
![](https://sakha-sire.ru/wp-content/uploads/2024/06/49e8bb4ffead6595558fe26dc41359010d5a05ea.jpeg)
Билиҥҥитэ саҥа дьиэ акылаата түһэрилиннэ, ис, тас истиэнэтэ тутулунна. Бэдэрээччит тутууну алтынньы 1 күнүгэр диэри бүтэрэр былааннаах, билигин эбийиэккэ 15 киһи үлэлиир.«Северо-Восток стройдизайн» ХЭУо генеральнай дириэктэрэ Иван Сахаров этэринэн, үлэ былаан быһыытынан барар, эбийиэк 50 %-на оҥоһулунна.
Санатан эттэххэ, кэнники 6 сылга Саха сиригэр 329 социальнай эбийиэк тутулунна, ол иһигэр национальнай бырайыактар чэрчитинэн — 134, ол иһигэр 6 успуорт дьиэтэ тутулунна. Былырыын 57 эбийиэк үлэҕэ киирдэ, быйыл улахан 76 социальнай эбийиэк тутулунна, онтон 15-һэ киллэрилиннэ.
Сообщить об опечатке
Текст, который будет отправлен нашим редакторам: