Дьокуускайга оскуола оҕолоро байыастарга «сухой душ» оҥордулар

Саха сирин судаарыстыбаннай тутуу уонна олорор дьиэ- уот надзорын управлениетын үлэһиттэрэ Саха-Корея оскуолатын иһинэн «Лингва+» сайылык лааҕырын үөрэнээччилэригэр  армейскай «сухой душ» оҥорууга маастар-кылаас ыыттылар.

Үөрэнээччилэр «сухой душ» оҥоруу бары түһүмэҕин кытта билсистилэр: таҥаһы араарыы, анал суунар сириэстибэҕэ илитии уонна зип-пакеттарга суулааһын. Оҕолор түргэнник үлэлииргэ бөлөхтөрүнэн арахсан үлэлээтилэр, сорохтор анал губкалары быстылар, атыттар губкалары гелинэн толордулар, үһүс бөлөх соттору, баата палочкаларын уонна ыйынньыктары суулаатылар.

«Инникитин тыһыынчаттан тахса гигиеническэй набордары бэлэмниир былааннаахпыт уонна сотору кэминэн байыаннай дьайыы хонуутугар ыытыахпыт. Бу набордар хонуу усулуобуйатыгар байыастарга көмө буолуоҕа диэн эрэнэбит», — диэн «Лингва+» лааҕыр начаалынньыга Сергей Гронин бэлиэтээтэ.

Бу иннинэ Саха сирин судаарыстыбаннай тутуу уонна олорор дьиэ-уот надзорын управлениета «Молодая гвардия» хамсааһын «Биир ньыгыл Арассыыйа» баартыйа эрэгийиэннээҕи ыстаабын кытта 5 тыһыынча набор «сухой душ» оҥоһуллан байыаннай зонаҕа ыыппыттара.

«Сухой душ» оҥорон таһаарыыга анал пена туһаныллар. Бу биһиги саллааттарбыт сылдьар усулуобуйаларыгар туһанарга олус табыгастаах», — диэтэ Саха сиринээҕи Саха сирин судаарыстыбаннай тутуу уонна олорор дьиэ-уот надзорын управлениетын салайааччыта Павел Аргунов.