Бүгүн «Ил Дарханныын» биэрии тахсыаҕа

Уочараттаах «Ил Дарханныын кэпсэтии» биэрии бүгүн, бэс ыйын 25 күнүгэр, «Саха» НКИХ ханаалга уонна «Тэтим» араадьыйаҕа тахсыаҕа.

Айсен Николаев Арассыыйа Бэрэсидьиэнэ Владимир Путин Саха сиригэр оруобуочай командировкатын сүрүн түмүктэрин таһаарыаҕа, сырыы түмүгүнэн ылыммыт сүрүн быһаарыылары кэпсиэҕэ. Биир сүрүн төрүөтүнэн ойуур баһаарын бохсууга үлэ тиэмэтэ таарыйыллыаҕа, ол иһигэр зондировщик-сөмөлүөтү туһаныы туһунан кэпсиэҕэ.

Сайын — тыа хаһаайыстыбатын оҥорон таһаарааччыларыгар сүрүн быыһык кэм. Айсен Николаев Саха сирин социальнай-экэнэмиичэскэй сайдыытыгар туһуламмыт «Развитие сельского хозяйства и регулирование рынков сельскохозяйственной продукции, сырья и продовольствия» уонна  «Комплексное развитие сельских территорий» судаарыстыбаннай бырагыраамалары олоххо киллэрии туһунан кэпсиэҕэ.

Ону кытта сарсын, бэс ыйын 26 күнүгэр, Саха сиригэр «Азия оҕолоро» оонньуулар аһыллыытыгар уонна Амма оройуонугар Олоҥхо ыһыаҕын түмүктэригэр ураты болҕомто ууруллуоҕа.

Эпиир киэһэ 20:10 чаастан саҕаланар.