«Азия оҕолоро» норуоттар икки ардыларынааҕы спортивнай оонньууларга Дьокуускай куоракка Беларусь Өрөспүүбүлүкэтин национальнай олимпийскай кэмитиэтин Бэрэсидьиэнэ Виктор Лукашенко кэллэ.
Дьокуускайга Былатыан Ойуунускай аатынан аэропортка Виктор Лукашенконы СӨ Бырабыыталыстыбатын бэрэссэдээтэлин солбуйааччы Сергей Местников, «Азия оҕолоро» норуоттар икки ардыларынааҕы кэмитиэт Бэрэсидьиэнэ Владимир Максимов, СӨ Тас сибээскэ уонна норуоттар дьыалаларыгар министирэ Гаврил Кириллин көрүстүлэр.
Беларусь Өрөспүүбүлүкэтин хамаандата 144 эдэр спортсменнаах. Сүүмэрдэммит хамаанда састаабыгар Беларусь чөмпүйүөннэрэ уонна призердара талыллыбыттар — бэйэлэрин саастыылаахтарыгар успуорт көрүҥнэригэр рекордсменнар. Ону таһынан бэс ыйын 27 күнүгэр Беларусь спортсменнара үгэскэ кубулуйбут Эдэр олимпиецтар аан дойдутааҕы пуорумҥа кыттыахтара.
Бу иннинэ Дьокуускайга Беларусь Өрөспүүбүлүкэтин успуорка уонна туризмҥа миниистирэ Сергей Ковальчук кэлэ сылдьыбыта. «Азия оҕолоро» норуоттар икки ардыларынааҕы оонньууларга спортивнай эбийиэктэр бэлэмнэрин үрдүктүк сыаналаабыта.
Санатан эттэххэ, «Азия оҕолоро» норуоттар икки ардыларынааҕы спортивнай оонньуулар Дьокуускай куоракка бэс ыйын 25 күнүттэн от ыйын 7- тэн диэри ыытыллыахтара.
РФ Бэрэсидьиэнэ Владимир Путин «Азия оҕолоро» оонньуулары оҕо спортивнай успуордун эйгэтигэр саамай кэрэхсэбиллээх уонна табыллыбыт бырайыагынан ааҕар.
Ил Дархан Айсен Николаев VIII норуоттар икки ардыларынааҕы спортивнай оонньуулар норуоттар икки ардыларынааҕы биир бөдөҥ тэрээһининэн буолан, үрдүк таһымҥа ыытыллыаҕа диэн бэлиэтээбитэ.
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…