Хаартыска: Евдокия Саввинова
Эһэ дьону кытта көрсүүтэ элбиир. Бэс ыйын 26 күнүгэр Булуҥ улууһун Уус Өлөөн нэһилиэгэр үрүҥ эһэ киирдэ.
Хаартысканы уонна видеону «Маяк Арктики» хаһыат ТГ-ханаалыгар таһаарда. Түмэти нэһилиэгин баһылыгын солбуйааччы Елизавета Петрова этэринэн, бары сэрэтэр дьаһаллар ылыллыбыттар уонна Булуҥ улууһун айылҕа харыстабылын инспекциятын үлэһиттэригэр биллэрбиттэр.
Уус Өлөөҥҥө үрүҥ эһэ ыалдьыттыыра бастакы түгэн буолбатах. Былырыын олунньу ыйыгар үрүҥ эһэ бу нэһилиэккэ эмиэ киирэ сылдьыбыта биллэр.
Билигин Аан дойду үрдүнэн 27 тыһыынча үрүҥ эһэ баар диэн ааҕыллар. Арассыыйа, Канада, АХШ, Норвегия уонна Гренландия сиригэр 19 субпопуляция ууһаан-үөскээн сылдьар. Арассыыйаҕа түөрт популяцияны араараллар: Баренцев муоратын, Карскай муора, Лаптевтар муораларын уонна Чукотка-Аляска популяциялара.
Саха сиригэр Лаптевтар муораларын кытылыгар үөскүүр популяция ахсаанын быһа холоон 800-1200 төбө диэн суоттууллар. Дьиҥэр, бу сыыппаралар сабаҕалааһын кэриэтэ чахчылар – биирдиилээн ааҕыы ханнык да дойдуга ыытылла илик, тас сибикилэринэн, көстүбүт кыыл ахсааныгар олоҕуран суоттаан таһаарыылар.
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…
Ахсынньы 19 күнүгэр түүн Дьокуускай куоракка Ленин проспегар турар дьиэ биир кыбартыыратыгар уот турбут. Буруонан…