«Туймаада ыһыаҕа»: «Ыччат ситимэ – 2024» бэстибээл ыытылынна

Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ — 2024» ыччат бэстибээлэ буолла. Бэстибээлгэ 1000-тан тахса кэриҥэ киһи кыттыыны ылла..

Тэрээһин чэрчитинэн кыттааччылар «Сила России» спортивнай зарядкаҕа кытыннылар. Маны таһынан мас тардыһыыга, гиирэ көтөҕүүгэ, тутум эргииргэ күрэхтэһиилэр ыытылыннылар. Кыттааччыларга маастар-кылаастар ыытылыннылар: иистэнии, хэндмэйд, уруһуй, дрону салайыы, куолаһынан үлэлээһин, киберспорт, о.д.а. Бэстибээл «Этно- шоу» кэнсиэртиир бырагырааманан түмүктэннэ. Үөрүүлээх аһыллыы чэрчитинэн наҕараадалар туттарылыннылар. СӨ Ыччат бэлиитикэтин сайдыытыгар кылаатын иһин «СӨ ыччат бэлиитикэтин туйгуна» түөскэ кэтиллэр бэлиэни Галина Сидороваҕа туттардылар.

Дьокуускай куорат ыччат бэлиитикэтин сайдыытыгар үтүө суобастаах үлэтин уонна кылаатын иһин «Дьокуускай куорат ыччат бэлиитикэтин сайдыытыгар кылаатын иһин» бэлиэнэн Лилия Сивцева, Наталья Шубина уонна Валерий Ефимов наҕараадаланнылар. Дьокуускай куорат дьаһалтатын Махтал суруктарынан Алена Кононова, Эрнест Васильев наҕараадаланнылар.