Хаартыска: Андрей Сорокин, СИА
Бүгүн, от ыйын 3 күнүгэр, Дьокуускайга «Кыайыы 50 сыла» успуорт уораҕайыгар «Азия оҕолоро» норуоттар икки ардыларынааҕы спортивнай оонньуулар чэрчитинэн мини-футбол күрэҕэ ыытылынна.
Түмүк киирсиигэ Саха сирин уонна Урал федеральнай уокуругун сүүмэрдэммит хамаандалара көрүстүлэр. Хомойуох иһин, Саха сирин хамаандата 2:3 ахсаанынан хоттордо.
«Финалга биһиги бэйэбит дойдубутугар кыайтарбыппыт олус хомолтолоох. Уһук Илин футболга Федерациятын бэрэссэдээтэлэ эппитинэн, икки тэҥ хамаанда оонньоотулар, онон ханнык эрэ түгэҥҥэ биһиэхэ табыллыбата. Ол гынан баран, биһиги оҕолорбут бары күүстэрин биэрдилэр дии саныыбын. Кыайыы мэлдьи күүстээхтэхтэргэ тиксэр. Билигин оҕолор харахтарыгар уулаах, биллэн турар, оонньуу түмүгүттэн астымматтар. Ыалдьааччыларга махтанабын!» ,- диэн Саха сирин сүүмэрдэммит хамаандатын тириэньэрэ Олег Марченко бэлиэтээтэ.
«Кыайыыны ситиһиллибититтэн олус долгуйан турабын. Уолаттар бүтэһик 10 сөкүүндэни тулуйан туралларын бары санаабытын уурбуппут. Матчтары сөбүлээтибит, тэрээһин олус үчүгэй. Күрэстэһээччилэр олус күүстээх этилэр. Өр бэлэмнэммиттэрэ буолуо диэн эрэнэбин», — диэн Урал федеральнай уокуругун хамаандатын бэрэстэбиитэлэ Никита Кувакин санаатын үллэһиннэ.
Турнир бастыҥ оонньооччулара быһаарылыннылар: вратарь – Антуфьев Вячеслав (УрФУо), көмүскээччи – Егор Думаев (УИФУо), утарылаһааччы – Грач Гаспарян (Саха сирэ), бомбардир – Глеб Зырянов (Саха сирэ), бастыҥ оонньооччу – Денис Казаков (УрФУо).
«Азия оҕолоро» мини-футболга Саха сирин сүүмэрдэммит хамаандатыгар киирдилэр: Артем Лукин, Илья Гордиенко, Даниил Номоконов, Грач Гаспарян, Константин Разин, Мэргэн Ендонов, Бабур Бейшенов, Глеб Зырянов, Кирилл Погодин, Владислав Рогов, Дьулустан Каженкин, Алик Петров. Тириэньэр —Олег Марченко.
Күрэхтэһиигэ барыта 7 хамаанда кытынна: Саха Өрөспүүбүлүкэтэ, Сибиир федеральнай уокуруга, Урал федеральнай уокуруга, Уһук Илин федеральнай уокурук, Узбекистан, Палестина, Кыргызстан.
Хамаандалар бары бэйэ-бэйэлэрин кытта кииристилэр. Түмүккэ финалга Саха сирин уонна Урал федеральнай уокуругун хамаандалара таҕыспыттара. 3 миэстэни былдьаһыыга Уһук Илин федеральнай уокурук сүүмэрдэммит хамаандата уонна Узбекистан хамаандата оонньоотулар. Түмүгэр Уһук Илин федеральнай уокурук сүүмэрдэммит хамаандата кыайыылаах таҕыста.
Саха сирэ кэнники сылларга аан дойду кириисиһигэр да, арҕаа дойдулар сааҥсыйаларыгар да кыһарыйтарбакка балысханнык сайдар.…
Саха сирин олохтооҕо «Мечталлион» лотерея 93 тираһын сэттэ дьоллоох кыайыылаахтарын биирдэстэринэн буолла. Бу туһунан «Национальнай…
Сахаҕа “сах саҕаттан” диэн этии баар, суолтатын, ис хоһоонун соччо өйдөөбөтөрбүт да, туттабыт. Оттон өйдөөн-дьүүллээн,…
Сунтаар улууһун култууратын уонна айылгытын салалтата, Сунтаар бибилэтиэкэлэрин кииннэммит ситимэ сыл аайы тэрийэн ыытар «Сунтаар…
Успуорт чулуулартан чулуулары, чаҕылхайтан чаҕылхайдары таһаарарын таһынан, хайа да кэмҥэ, хайа да дойдуга норуоту сомоҕолуур,…
Айсен Николаев от ыйын 5 күнүгэр сылы быһа үлэлиир «Хотугу сулус» оҕо сынньалаҥын уонна чэбдигирдии…