Салгыы
Түөрт сүүстэн тахса киһи баһаары умуруорууга көмөлөһөр

Түөрт сүүстэн тахса киһи баһаары умуруорууга көмөлөһөр

Ааптар:
11.07.2024, 15:45
Ил Дархан, бырабыыталыстыба пресс-сулууспатыттан
Бөлөххө киир:

Саха сиригэр ойуур баһаарын умуруорууга олохтоохтор көмөлөһөллөр. Бүгүн иһитиннэрбиттэринэн, баһаарынайдары уонна быыһааччылары кытары тэбис-тэҥҥэ 400-тэн тахса киһи үлэлии сылдьар.

Бу туһунан СӨ бырабыыталыстыбатын бэрэссэдээтэлин бастакы солбуйааччы Дмитрий Садовников эттэ.

Кинилэр ойуур баһаардарын умуруорууга муниципальнай тэриллиилэр бигэргэппит бынааннарынан көрөн ыҥырыллаллар. Баһаары умуруорууга ордук элбэх киһи Бүлүү уонна Үөһээ Бүлүү улуустарыгар баар.

«Мобилизациянан элбэх киһи Үөһээ Бүлүү улууһугар баар, нэһилиэнньэлээх пууннартан 180 киһи. Ыаллыы Бүлүү улууһугар 90ча киһи. Бу биллэн турар, тэрийии үлэтин таһымын уонна дьон эппиэтинэстээҕин көрдөрөр», — диир Садовников.

Ойуур баһаардарын умуруорууга Өлүөхүмэ, Сунтаар, Ленскэй, Алдан, Дьааҥы, Кэбээйи, Уус Маайа улуустарын олохтоохторун эмиэ тардаллар.

Бүгүҥҥү иһитиннэриинэн, Саха сиригэр ойуур уотун утары охсуһууга барыта 1800-тэн тахса киһи үлэлиирэ ыйыллар. Өскөтүн манна 400-тэн тахсата мобилизацияламмыт дьон буоллахтарына, онтон атыттара парашютистар, десантниктар, быыһааччылар, ойуур көрөөччүлэр, уо.д.а.

«Саамай уустук учаастактарга, биллэн турар, баһаарынайдар үлэлииллэр. Олохтоохтор сүрүннээн уоту харабыллыыллар. Ол гынан баран, професиональнай күүстэр төһө да федеральнайтан уонна атын эрэгийиэнтэн кэлбиттэрин иһин, син биир тиийбэт», — диэн кини бэлиэтиир.

Суукка саҕаланыыта 139 ойуур баһаара баара бэлиэтэммитэ. Итинтэн Абый, Амма, Бүлүү, Горнай, Мииринэй, Нерюнгри улуустарыгар сэттэ ойуур баһаара бохсуллубут.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июля
  • 21°C
  • Ощущается: 21°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: