Видеоттан скриншот
Социальнай ситимҥэ Дьокуускайга 14-c №-дээх оптуобус суоппара оҕолору үөхпүтүн туһунан видеолаах иһитиннэрии тарҕаммыта. Эмсэҕэлээбит оҕолор суруйалларынан, оптуобус солуонугар төлөпүөннэрин умнан кэбиспиттэр.
Оптуобус суоппарын булан, киниэхэ эрийэн, төлөпүөнү төннөрөрүгэр көрдөспүттэр. Суоппар оҕолортон 500 солк. көрдөөбүт. Төлөпүөнүнэн кэпсэтэригэр кини куруубайдык, быдьар тылынан үөхсэ-үөхсэ кэпсэппит. Оҕолор суоппары «Прометей» түөлбэҕэ көрсөргө быһаарыммыттар. Суоппар болдьоспут кэмнэригэр кэлбит уонна төлөпүөнү биэрбит. Ол эрээри кинилэр махтаммыттарын үрдүнэн дэлби кыыһырбыт, маатыралаан үөхпүт. Оптуобустан тахсан иһэн кинилэр тоҕо үөхсэрин ыйыппыттар. Онуоха суоппар ойон тахсыбыт уонна кинилэр доҕордорун үтүөлээн барбыт уонна: «Эн эдэр эрээри тоҕо маннык кэпсэтэҕин, төлөпүөҥҥүн булбуппар махтаныах тустааххын!», — диэн хаһыытаабыт.
Бу айдааннаах видео ТГ ханаалга киэҥник тарҕаммыт. Оҕолор суоппарга иккитэ хаста махтаммыттарын үрдүнэн суоппар үөхсэрин тохтоппотох, кини «айфоннааххыт ол аата баайгыт» диэн сирэй-харах аспыт.
«МАРШРУТ №14» ХЭУо дириэктэрэ Сафар Дустов бу быһылааҥҥа санаатын маннык үллэстэр:
— 14-c №-дээх оптуобус суоппара Акбары кытта кэпсэттибит, сэрэтии биэрдибит. Акбар кэпсииринэн, суоппар эдэр оҕолорго төлөпүөннэрин тиэрдибитигэр кинилэр харчы төлөөбөтөхтөр, онтон кыыһыран, суоппар ойон тахсан уолу үтүөлээбит.
Бүгүн, ыам ыйын 2 күнүнээҕи туругунан, бу дьыала тула Дьокуускай куорат суолун уонна тырааныспарын сулууспатын иһинэн бэрэбиэркэ саҕаламмыт. Бу туһунан Дьокуускай куорат пресс-сулууспата иһитиннэрэр. Суоппар уонна оптуобус маршрутун дириэктэрэ бэрэбиэркэҕэ ыҥырыллыбыттар. Дьыала быһаарыллыар диэри 14-c №-дээх оптуобус суоппара быстах кэмҥэ үлэтиттэн тохтотулунна диэн Дьокуускай куорат суолун уонна тырааныспарын сулууспатын салайааччыта Эдуард Садовников иһитиннэрбит.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…