Дьокуускайга дьахтар Кыргызстан 14 олохтооҕун дьиэтигэр регистрациялаабыт

Дьокуускайга суһал-сэрэтэр тэрээһин үлэлэр түмүктэринэн, ИДьМ миграция боппуруоһунан үлэлэһэр Дьокуускайдааҕы управлениетын үлэһиттэрэ фиктивнэй учуокка туруоруу дьыалатын арыйдылар.

Ол курдук, эрдэ сууттана сылдьыбыт 48 саастаах дьахтар дьиэтигэр  Кыргызстан өрөспүүбүлүкэтин 14 олохтооҕун миграционнай учуокка туруортарбыт. Ол эрээри бу дьону дьиэтигэр олохтуур санаата суох эбит. Арассыыйа Федерациятын холуобунай кодексатын 322 ыст.  «Фиктивная постановка на учет иностранного гражданина или лица без гражданства по месту пребывания в жилом помещении в РФ» диэнинэн Дьокуускай куорат 1-кы №-дээх полиция салаатын дознавателэ дьахтарга холуобунай дьыаланы тэрийбит. Бу ыстатыйа сааҥсыйатынан киһи көҥүлэ үс сылга сарбыллыан сөп.