14 мөлүйүөнтэн тахса солкуобайы түөкүттэргэ «бэлэхтээтэ»

Мииринэй 62 саастаах олохтооҕо албын брокердарга 14 тахса мөл. солк. халтайга кутта.

Ол курдук, былырыын күһүн эбии хамнастанаары интэриниэккэ инвестиционнай платформа рекламатын көрөн, ссылканан киирэн, сайаапка хаалларбыт. Ол күн кинилиин Даниил диэн киһи сибээстэспит.

Даниил хампаанньа менеджерэбин диэбит. Кини ыйыытынан дьахтар сыһыарыыны хачайдаан ылбыт, 10 дуоллары укпут. Ити кэнниттэн кини хаста да харчы ыыппыт, виртуальнай дохуота улаатарын көрө олорбут.

Дьэ, онтон… Аахсыбыт харчытын таһаараары гыммытыгар, түөкүттэр бенефициар нөҥүө оҥоруохха сөбүн эппиттэр. Өр толкуйдуу барбакка кини билэр дьахтарын кирэдьиит ылан түөкүттэр эппит счеттарыгар 1,2 мөл солк. ыытарыгар көрдөспүт. Онтон атын дьүөгэлэриттэн көмө көрдөөбүтүн улгумнук сөбүлэспиттэр. Ол эрээри, Мииринэй олохтооҕо укпут харчытын кыайан төнүннэрбэтэх. Түмүгэр аферистарга 2750 000 солк. харчытын уонна 11 448 220 солкуобай атын дьон харчытын биэрбит.

РФ ИДьМ Мииринэй оройуонунааҕы отделениета