14 оҕо эмп уонна мэдиссиинэ тэрилин ылар бырааба чөлүгэр түстэ

СӨ борокуратуурата Арассыыйатааҕы доруобуйа харыстабылын эрэгийиэннээҕи управлениетын исписэлиистэрин сыһыаран, доруобуйа харыстабылын туһунан сокуону тутуһууга бэрэбиэркэ ыытта.

Дьокуускай куоракка 1 тииптээх сахарнай диабеттаах 14 оҕо ырысыаба баарын үрдүнэн, ыйыллыбыт болдьоҕор эминэн, мэдиссиинэ тэрилинэн уонна онно туһаныллар тэрилинэн (расходники) хааччыллыбатаҕа быһаарыллыбыт.

Борокуратуура “Сахафармация” АУо генеральнай дириэктэригэр сокуону кэһиини туоратарга сурук ыыппыт.

Борокуратуура кыттыһыытын түмүгэр, оҕолор бырааптара чөлүгэр түспүт, кинилэргэ ирдэнэр эмп уонна мэдиссиинэ тэрилэ бэриллибит. Бу туһунан СӨ борокуратууратын пресс-сулууспата суруйар.