14 саастаах оҕо электроннай табаҕы атыылыыр киосканы халаата

Дьокуускай полициятыгар урбаанньыт киоскатын халаабыттарын туһунан иһитиннэрбит. Кини иһитиннэрбитинэн, атыы-эргиэн павильонуттан 12 тыһ.солк. суумалаах электроннай табахтар сүппүттэр. Уорбаланааччыны быһаардылар. Бу 14 саастаах оҕо эбит.

ИДьМ пресс-сулууспатыгар иһитиннэрбиттэринэн, бу оҕо киоскаттан табаары судургутук уоруохха сөбүн бэлиэтии көрбүт. Хаста да кырынан, сарсыарда уонна киэһэ кэлэн табахтары уорталаабыт. Ол табахтарын бэйэтэ тардыбыт.

Уоруу диэн ыстатыйанан холуобунай дьыала тэрилиннэ.