Хаартыска: социальнай ситимнэртэн
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025» Гран-притын ылла.
14 саастаах модель кыыс Дьокуускай куорат «PRO MODELS Agency» ааҕыныстыбатын аатыттан кытынна. Ааҕыныстыба салайааччыта Сардана Порядина бэлиэтээбитинэн, от ыйын 4-7 күннэригэр Москваҕа ыытыллыбыт тэрээһин олус күүстээхтик тэриллэн ааспыт. Дьүүллүүр сүбэ кыттааччылар тас көрүҥнэригэр эрэ буолбакка, харизмаларыгар, өйдөрүгэр-санааларыгар уонна дьон иннигэр тутта-хапта сылдьар сатабылларыгар болҕомтотун уурбут.
Сыанабыл кытаанах ирдэбиллэриттэн ураты, тэрээһин кыттааччыларын бэлэмин үрдүк таһымынан уонна киэҥ бырагырааматынан уратыланна.
— Биһиги Арина Аулова Бүтүн Арассыыйатааҕы таһымнаах маннык бөдөҥ кэрэ куо куонкуруһугар кыайыытынан олус киэн туттабыт. Бу – кини дьулуурун, сыалга-сорукка дьулуһуутун уонна бэйэтин үрдүнэн үлэлээбит олус улахан үлэтин үтүө түмүгэ. Сыанаҕа хас биирдии тахсыытын кэннигэр улахан үлэ турар, — диэн Сардана Порядина эттэ. Итини таһынан, Арина Ауловаҕа биллиилээх арассыыйа модельера Вячеслав Зайцев кыһыл көмүс мэтээлин туттардылар. Салгыы кини «PRO MODELS Agency» кытта Саха сирин уонна Арассыыйаны «Эдэр мисс Аан дойду» куонкуруска көрдөрүөҕэ.
Полиция үлэһиттэрэ сокуоннай саастарын ситэ илик оҕолор көрүүтэ-истиитэ суох сылдьыыларын уонна буруйу оҥорууларын сэрэтэр систиэмэ…
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…