140 дьиэҕэ хапытаалынай өрөмүөн түмүктэниэҕэ

Саха сиригэр 140 элбэх кыбартыыралаах дьиэҕэ сыл бүтүөр диэри хапытаалынай өрөмүөн түмүктэниэҕэ. Итилэртэн  номнуо  100 дьиэни бүтэрдилэр. Бу туһунан өрөспүүбүлүкэ Хапытаалынай өрөмүөҥҥэ пуондатын генеральнай дириэктэрэ Владимир Ионин иһитиннэрдэ.

“Өрөспүүбүлүкэҕэ сылааска холбоннубут. Быйыл сылааһынан хааччыйар ситимҥэ 501 мөлүйүөн солкуобайдаах өрөмүөнү 78 элбэх кыбартыыралаах дьиэҕэ ыыттыбыт. Билигин дьиэлэр тас өттүлэрин уонна кырыыһаларын үлэтэ түмүктэнэр, ону тэҥэ кырааскалааһын уонна бетону кутуу үлэтэ ситэриллэр. Сүүс дьиэҕэ ыытыллыбыт 534 мөл. солкуобай суумалаах үлэ түмүктэнэн, хамыыһыйанан тутулунна. 85 дьиэни хапытаалынайдык өрөмүөннүү сылдьаллар, өрөспүүбүлүкэ үрдүнэн өссө 55 дьиэҕэ өрөмүөн силигэ ситэн эрэр”, — диэтэ Владимир Ионин.

Кини бэлиэтииринэн, 2024 сылга 318 элбэх кыбартыыралаах дьиэҕэ өрөмүөнү ыытыахтара. Бу үлэ уопсай кээмэйэ — 3,8 млрд тахса солкуобай.