Салгыы
1400-тэн тахса байыаннай дьайыы кыттыылааҕа мэдиссиинэ көмөтүн ылла

1400-тэн тахса байыаннай дьайыы кыттыылааҕа мэдиссиинэ көмөтүн ылла

26.02.2024, 20:06
Хаартыска СӨ Баһылыгын уонна Бырабыыталыстыбатын пресс-сулууспатыттан
Бөлөххө киир:

Саха сирин доруобуйатын харыстабылын тиһигэ икки сылтан ордук байыаннай дьайыыга кыттан кэлбит дьон уонна кинилэр дьиэ кэргэттэрин доруобуйаларын чөлүгэр түһэрэргэ үлэлэһэр уонна мэдиссиинэ көмөтүн оҥорор.

СӨ Доруобуйатын харыстабылын кылаабынай терапева Айталина Торонова олунньу 26 күнүгэр брифиҥҥэ стационарнай уонна амбулаторнай көмөнү 1400-тэн тахса байыаннай дьайыы кыттыылааҕа уонна кинилэр дьиэ кэргэттэрэ ыллылар диэтэ. Итини сэргэ Доруобуйа харыстабылын министиэристибэтин уонна Үлэ министиэристибэтин салаатынан мэдиссиинэ уонна уонна эти-хааны чөлүгэр түһэриини 2400-чэкэ байыаннай дьайыы кыттыылааҕа уонна кинилэр дьиэ кэргэттэрэ аастылар.

Өрөспүүбүлүкэҕэ байыаннай дьайыы кыттыылааҕар, уоппускаҕа кэлээччилэргэ уонна кинилэр дьиэ кэргэттэригэр эмтэнэллэригэр уонна доруобуйаларын чөлүгэр түһэриигэ көмө чопчу тиһигэ оҥоһуллан турар.

Ил Дархан Айсен Николаев сорудаҕынан госпиталларга сытар байыаннай дьайыы кыттыылаахтарын өйүүргэ ааспыт сылтан биһиги өрөспүүбүлүкэбит быраастара баран үлэлииллэр.

Өрөспүүбүлүкэ кылаабынай терапева этэринэн, быйыл кулун тутарга диэри Саха сирин эмчиттэрин биригээдэтэ Илиҥҥи байыаннай уокурук госпиталларыгар тиийэн үлэлииллэрэ былааннанар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -1°C
  • Ощущается: -4°Влажность: 34% Скорость ветра: 2 м/с

Сообщить об опечатке

Текст, который будет отправлен нашим редакторам: