Роспотребнадзор 525 салгын чинчийиитин ыытта
Өрөспүүбүлүкэҕэ баһаартан сэрэхтээх буолуу кэмэ саҕаланыаҕыттан Саха сиринээҕи Роспотребнадзор сулууспата 11 улуус 18 нэһилиэгэр барыта 525 салгын чинчийиитин ыытта.
Тумүгэр 38 боруобаҕа киртийии нуорманы таһынан барбыта бэлиэтэннэ. Онтон ааспыт сууккаҕа 9 нэһилиэнньэлээх пууну бэрэбиэркэлээбиттэрэ. 58 боруоба ылыллыбыттан, Өлүөхүмэ, Ленскэй куораттарыгар уонна Үөһүү Бүлүү сэлиэнньэтигэр салгыҥҥа буортулаах эттиктэр бааллара быһаарыллыбыта. Бу туһунан бүгүн Роспотребнадзор санитарнай надзорга, лицензиялааһыҥҥа уонна регистрациялааһыҥҥа отделын начаалынньыгын солбуйааччы Георгий Игнатьев иһитиннэрдэ.
Өскөтүн буруо турдаҕына таһырдьа тахсартан туттуна сатаан, элбэх уута иһин уонна харыстыыр мааската кэтин диэн «Роспотребнадзор» салалтата сүбэлиир.
Сообщить об опечатке
Текст, который будет отправлен нашим редакторам: