Хаартыска: СИА
Саха сирин сүүмэрдэммит хамаандата Чувашияҕа чэпчэки атлетикаҕа Арассыыйа чөмпүйэнээтин 15 мэтээллээх түмүктээтэ.
Бу туһунан Эрэгийиэннээҕи сүүмэрдэммит хамаандаларын успуорка бэлэмниир Киинигэр иһитиннэрдилэр. Василий Оленов уонна Петр Давыдов салайааччылаах Саха сирин хамаандата күрэхтэһиигэ сэттэ спортсмены кытыннарда уонна икки төгүл элбэх наҕарааданы ылары ситистэ.
Дойду чөмпүйэнээтигэр күүстээх киирсии буолбутун туһунан Арассыыйа үтүөлээх тириэньэрэ Петр Давыдов эттэ. Күрэхтэһии түмүгүнэн Паралимпийскай оонньууларга кыттар Арассыыйа сүүмэрдэммит хамаандатын састааба талыллыаҕа. Саха сирин сүүмэрдэммит хамаандата үрдүк көрдөрүүлэри ситистэ.
Айтал Сивцев уонна Василина Иванова диискэни, ядрону уонна үҥүүнү быраҕыыга кыһыл көмүс мэтээл хаһаайыннарынан буоллулар. Саргылаан Семенов сүүрүүгэ иккитэ чөмпүйүөн аатын сүктэ (200 уонна 400 миэтэрэҕэ). Виктория Петрова кыһыл уонна икки үрүҥ көмүс мэтээллэри ылла. Ону сэргэ Виталина Бурцева уонна Виктор Евсеев иккис миэстэҕэ тигистилэр. Роман Ибрагимов уонна Яков Максимов боруонса призердарынан буоллулар.
Бэҕэһээ, тохсунньу 26 күнүгэр, Дьокуускай куоракка арыгы иһэн баран уруулга олорбут суоппар суол быһылаанын таһаарда. …
Саха норуотун биир киэн туттар киһитэ Алексей Андреевич Иванов-Күндэ өр сыллар тухары 1898 сыллаахха төрөөбүтэ…
Дьокуускай куоракка массыынаттан түөрт көлүөһэни уорбуттарынан РФ Холуобунай кодексын 158 ыст. 2 чааһынан холуобунай дьыала…
Тиихэй акыйаантан сылаас салгын салгыы кэлэн, Саха сирин киин, илин өттүн сылытыаҕа. Нэдиэлэтээҕи күн-дьыл туругун…
Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ Павел Багынановы кытары көрүстэ. 2025…
Саха сиригэр сорох хаһаайыстыбаларга ынахтар хайыы-үйэ төрөөтүлэр. Ол эрээри маассабай төрүөх кулун тутар, муус устар,…