Чурапчыга харчы уорбут дьахтары туттулар

Чурапчыга полиция дьуһуурунай чааһыгар олохтоох дьахтар харчытын уорбуттарын туһунан биллэрдэ.

Кини кэпсээбитинэн, түүн дьахтар дьиэтин аанын хатыырын умнубут уонна сарсыарда эрдэ туран суумкатын иһиттэн харчы сүппүтүн быһаарбыт. Суһал-көрдүүр дьаһалларынан холуобунай ирдэбил үлэһиттэрэ эмсэҕэлээчи билэр, урут сууттана  сылдьыбыт  51 саастаах дьахтары туттулар.

Силиэстийэ быһаарбытынан, уорбаланааччы эмсэҕэлээччи дьахтарга ыалдьыттаабыт уонна арыгы испиттэр. Ол кэмҥэ уорбаланааччы  дьахтар суумкатын иһиттэн 18 тыһ.солк. харчыны уорбут уонна сарсыарда дьиэтиттэн тахсан барбыт. Уорбут харчытын бэйэтин наадатыгар туһаммыт. Холуобунай Колексынан холуобунай дьыала тэрилиннэ, уорбаланааччы 5 сылга диэри көҥүлэ быһыллыан сөп. Бу туһунан ИДьМ пресс-сулууспата суруйар.