«ЭЙГЭ-2024» иккис архитектурнай бириэмийэҕэ сайаапкалары ылыы салҕанар
![](https://sakha-sire.ru/wp-content/uploads/2024/07/0ac7ebc0d5e8cf22bd01677bf7b301c496cf2015-1060x596.jpeg)
«ЭЙГЭ—2024» иккис архитектурнай бириэмийэҕэ сайаапкалары ылыы от ыйын 25 күнүгэр түмүктэниэ.
Билигин кыттааччылар испииһэктэрэ оҥоһуллар. Испииһэги иһитиннэрии атырдьах ыйын 11 күнүгэр, Тутааччы күнүгэр, «Стройфест- 2024» тутуу тэрилтэлэрин бастакы бэстибээлин былаһааккатыгар буолуоҕа.
Санатан эттэххэ, бириэмийэ 2022 сыллаахха Саха сирин Бырабыыталыстыбатын өйөбүлүнэн Архитектура уонна градостроительство управлениетынан тэриллибитэ. Өрөспүүбүлүкэ 23 улууһун 43 нэһилиэнньэлээх пуунуттан хомуллубут сайаапкаларынан киин куоракка бириэмийэни туттарыы бастакы сиэрэ-туома буолбута. Ол кэмҥэ САССР төрүттэммитэ 100 сылыгар анаан 100 бастыҥ эбийиэгиттэн 10 номинацияҕа кыайыылаахтары талбыттара. Быйыл сайаапкалар эмиэ 10 номинациянан ылаллар. Бүгүҥҥү күҥҥэ 200-чэкэ сайаапка киирдэ.
Бэлиэтээн эттэххэ, куонкуруска хапытаалынай тутуу уонна тупсарыы эбийиэктэрэ, ону тэҥэ Саха сиригэр кэлиҥҥи биэс сылга олоххо киллэриллибит дизайн эйгэлэрэ көрүллэллэр. Бириэмийэ кыттыылаахтарынан бырайыактары бэлэмниир уонна эбийиэктэри олоххо киллэриигэ үлэлэспит хамаандалар буолуохтарын сөп. Биир хампаанньаттан сайаапка ахсаана хааччахтаммат. Сайаапканы eyge.letoyakutia.ru бириэмийэ официальнай саайтыгар толоруллар.
Сообщить об опечатке
Текст, который будет отправлен нашим редакторам: