Үөһээ Бүлүү бэрэстэбиитэллэрэ байыаннай дьайыы хонуутугар үлэлииллэр
Анал байыаннай дьайыы хонуутугар Үөһээ Бүлүү улууһун оробуочай бөлөҕө үлэлиир. Оройуон бэрэстэбиитэллэрэ аадырыстаах баһыылкалары, оборудованиелары, ол иһигэр аппараата суох көтөр аппарааттары тиэртилэр.
Саха сирин территориальнай тирэх пууннара бөлөҕү арыаллаан, байыаннай чаастарынан куттала суох маршруттарынан сирдииллэр уонна Үөһээ Бүлүү улууһуттан биир дойдулаахтарын кытта көрсүһүннэрэллэр. Бу туһунан Саха сирин тирэх пууннарын ДНӨ уонна ЛНӨ сирдэринэн сүрүн координатора, «Юстас» диэн позывнойдаах байыас иһитиннэрдэ.
«Биир баазабытыгар Саха сириттэн тиэхиньикэ баартыйата тиэрдилиннэ. Подразделениелар хамандыырдарыгар тырааныспары биэриигэ тэхиниичэскэй хааччыйыытын аһардаллар. Харайар баазаларынан Саха сириттэн ыытыллыбыт табаарынай-матырыйаалынай сыаннастар кытаанах учуоттаналлар», — диэн сүрүн координатор бэлиэтээтэ.
Ону тэҥэ ааспыт нэдиэлэҕэ тирэх пуун байыастара сэрии чаастарынан уонна Белгородскай уобаласка гуманитарнай көмөнү тиэрдиини хааччыйбыттарын иһитиннэрдэ. «Биһиги географияны кэҥэтэбит, анал байыаннай дьайыы зонатыгар барытын учуоттаан, үлэбитин тупсарабыт. ДНӨ уонна ЛНӨ сирдэринэн Саха сирин тирэх пууннарын үлэтин көдьүүһүн үрдэтиигэ икки УАЗ «Фермер» массыына эбилиннэ, – диэн эбэн эттэ салайааччы.
Юстас Саха сирин тирэх пууннара штатнай эрэсииминэн үлэлииллэрин, личнэй састааба Саха сирин салалтата туруорбут бары соруктарын толорорун бэлиэтээтэ.
Сообщить об опечатке
Текст, который будет отправлен нашим редакторам: