Хантараак түһэрсибиттэргэ 400 тыһыынча солкуобайдаах биир кэмнээх төлөбүр быраабылата бигэргэннэ

Дойду Бэрэсидьиэнэ Владимир Путин 2024 с.  от ыйын 31 күнүнээҕи 644 №- дээх Ыйааҕар олоҕуран, дойду Бырабыыталыстыбата хантараагынан байыаннай дьайыыга  сулууспаҕа барааччыларга 400 тыһ. солк. кээмэйдээх биир кэмнээх төлөбүрү аныыр быраабылатын уурааҕын ылынна.

Ол курдук, байыаннай сулууспалаахтар биир кэмнээх харчынан төлөбүрү ылалларыгар хантараагынан байыаннай сулууспалы ааһар сирдэринэн байыаннай чаас хамандыырыгар рапорт суруйуохтаахтар. Биир кэмнээх төлөбүр бирикээс таһаарыллыбыта 10 үлэ хонук устата ыытыллар. Уураах бу сыл атырдьах ыйын 1 күнүттэн  үлэлиир.

Санаттахха, хантараагынан сулууспалыыр байыастарга биир кэмнээх харчынан төлөбүр Бэрэсидьиэн Ыйааҕынан 2022 сыл сэтинньитигэр олохтоммута уонна бу сыл атырдьах ыйын 1 күнүгэр диэри 195 тыһ. солк. этэ.