Дойду субъектарынан «Ыччат эрэгийиэнэ» ыччат бэлиитикэтин кэлимник сайыннарыы «Үөрэх» национальнай бырайыагынан от ыйыттан Саха сиригэр «Ыччат десана» бырайыак үлэлиир.
Бырайыак нэһилиэнньэҕэ көмөлөһөргө туһуланар, ол иһигэр байыаннай дьайыы кыттыылаахтарын дьиэ кэргэттэригэр.
«От ыйыгар «Ыччат десана» икки оройуонунан үлэлээбитэ. От ыйын 14-16 күннэригэр Амма улууһугар сырыттыбыт. Манна «ZEMА» өрөспүүбүлүкэтээҕи ыччат уопсастыбаннай тэрилтэтин 50-тан тахса көхтөөх ыччата сырытта. Икки күн иһигэр 15 ыалга көмө оҥоһулунна: байыаннай дьайыы кыттыылаахтарын дьиэ кэргэттэригэр уонна биэнсийэлээхтэргэ.
От ыйын 29 күнүттэн атырдьах ыйын 1 күнүгэр диэри 54 волонтер Таатта оройуонугар тахсан 20 ыалга көмө оҥордо. Хаһаайыстыбаларыгар көмөлөстүлэр: мас хайыттылар, олбуор бөҕөргөттүлэр, тиэргэн иһин хомуйдулар», — диэн Саха сирин улуустарынан «Zема» ыччат уопсастыбаннай тэрилтэлэрин холбоһугун бэрэссэдээтэлэ Алгыстаан Софронов кэпсээтэ. Ону таһынан эдэр дьон нэһилиэнньэлээх пууннары тупсарыыга көмөлөстүлэр: эбийиэктэри кырааскалаатылар, эргэ хотоннору көтүрдүлэр. Тыа сирин олохтоохторо махталларын биллэрдилэр.
Алгыстаан Софронов сотору кэминэн ыччат десана улуустарынан айанныырын туһунан иһитиннэрдэ. Ол курдук, атырдьах ыйын 18-21 күннэригэр Өлүөхүмэ оройуонугар, атырдьах ыйын 18-20 күннэригэр Чурапчы улууһугар айанныыр былааннаахтар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)