Үс Хатыҥ аттыгар киһи өлүүлээх суол быһылаана таҕыста

Бөлүүн, быһа барыллаан түүн 1:44 чааска, Үс Хатыҥ аттыгар киһи өлүүлээх суол быһылаана тахсыбыт.

Бу туһунан Саха сиринээҕи Госавтоинспекция пресс-сулууспата суруйар. Барыллаан силиэстийэ быһаарыытынан,  «Тойота Аллион» массыына суоппара утары суолга тахсан улахан ыйааһыннаах таһаҕас тиэйэр «FAW» масыынаны кытта харсыспыт.

Саахал түмүгэр икки массыына умайбыт, улахан таһаҕас тиэйэр массыына суоппара уонна пассажира быыһаммыттар, оттон иномарка массыына суоппара миэстэтигэр суорума суолламмыт. Матырыйааллары силиэстийэлиир уорганнарга туттардылар.