Хаартыска: Нина Сутакова
Атырдьах ыйа — отон, тэллэй уонна оҕуруот аһын хомуйуу үгэннээн турар кэмэ. Горнай улууһун Федоровтар дьиэ кэргэттэрэ сыл ахсын Бэс Күөлгэ тахсаллар. Бу сылга кинилэр моонньоҕону бүтүн сундук муҥунан хомуйдулар.
Бу туһунан Бэрдьигэстээх сэлиэнньэтин олохтооҕо Нина Сутакова СИА-ҕа кэпсээтэ.
«Сайын аайы биһиги кыракый төрөөбүт дойдубутугар Бэс Күөл дэриэбинэҕэ тахсабыт. Онно биһиги үлэбититтэн сынньанабыт, айылҕалыын алтыһабыт, чугас дьоммутун кытта иллэҥ кэммитин туһалаахтык атаарабыт. Быйыл доҕотторбутун уонна аймахтарбытын кытта моонньоҕон хомуйа тахсыбыппыт. Баһаар кэнниттэн моонньоҕон үүнэр сирэ олус сымнаҕас буолан, икки аҥаар күн устата хас биирдиибит икки-үс биэдэрэ отон хомуйдубут», — диэн Нина Сутакова санаатын үллэһиннэ.
«Моонньоҕону ыраах айаҥҥа таһарга биһиги дьиэ кэргэҥҥэ эбэбит Варвара Федороваттан тиксибит мас сундугу туһанабыт. Бу сундук 100-тэн тахса сыллаах уонна бэс мастан оҥоһуллубут. Бу сундукка моонньоҕоммут Бэрдьигэстээххэ диэри ньыһыллыбакка тиийэр», — диэн бэлиэтээтэ Нина Сутакова. Кини этэринэн, сундук кээмэйинэн 50 киилэ киирэр. «Моонньоҕонунан толоруллубут сундук — бу икки киһи үлэтин түмүгэ, сорох отоммутун Бэрдьигэстээххэ хортуон холбукаларга кутан аҕаллыбыт», — диэн эбэн эттэ Нина Сутакова.
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…
2025 сылга “Үлэ киһитэ‑2025” үрдүк ааты ылбыт дьон ортотугар Бүлүү улууһуттан ийэлээх кыыс бааллара биир…
Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар. — Саха ынаҕын иитиэхпитин баҕарабыт. Онон бу…
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…