Хаартыска: Мария Васильева, СИА
Дьокуускайга Арассыыйа былааҕын күнүгэр анаммыт «Держава былааҕа — албан аат бэлиэтэ» үөрүүлээх тэрээһин буолла.
Бэлиэ күн Орджоникидзе болуоссакка тэрээһин кыттыылаахтара Арассыыйа былааҕын тэниттилэр, сыанаҕа «Боотур» этэрээт былааҕын өрө таһаардылар, ону тэҥэ байыаннай дьайыы кыттыылаахтарыгар Луганскай Норуодунай Өрөспүүбүлүкэттэн уордьаннары туттардылар.
«Арассыыйа былааҕа бэлиэ эбийиэктэринэн, судаарыстыбаннай тэрилтэлэринэн туруорабыт, киэҥ туттабыт, туойабыт уонна сүрүнэ – сүрэхпитигэр тутабыт. Билигин биһиги дойдубут территориятыгар өстөөх кимэн киирбитинэн Кыайыыны чугаһатар туһугар түмсүөх тустаахпыт. Биһиги дойдубут интэриэһин көмүскүүр, инники күөҥҥэ сылдьар бары ыччаттарбыт туһугар үҥэбит. Биһиги оҕолорбут Арассыыйа былааҕын тутан атаакаҕа баралларын чуолкай билэбит. Кыайыыны ситиһиэхпит, биһиги көмүскээччилэрбит тыыннаах уонна доруобай эргиллиэхтэрэ диэн эрэнэбин», — диэн бэлиэтээтэ СӨ Ил Дарханын уонна Бырабыыталыстыбатын дьаһалтатын салайааччыта Георгий Михайлов.
ЛНӨ баһылыга Леонид Пасечник Ыйааҕынан территорияны босхолооһуҥҥа уонна нэһилиэнньэни көмүскээһиҥҥэ, ураты хорсун быһыыларын иһин «Боотур» этэрээт «За воинскую доблесть» II истиэпэннээх уордьанынан наҕараадаланна.
Маны сэргэ үөрүүлээх быһыыга-майгыга өрөспүүбүлүкэтээҕи уонна Бүтүн Арассыыйатааҕы олимпиадалар, спортивнай куонкурустар призердара, үөрэҕирии туйгуннара, оҕо хамсааһынын көхтөөх чиллиэттэрэ, үс уол уонна икки кыыс, Российскай Федерация гражданнарын пааспарын ыллылар. Ону таһынан Арассыыйа былааҕын күнүгэр киин куорат олохтоохторугар уонна ыалдьыттарыгар бырааһынньыктааҕы кэнсиэр, маскировочнай сиэткэлэри оҥоруу аахсыйа, доруобуйа дьаарбаҥката, маастар-кылаастар тэрилиннилэр.
Борокуратуура байыаннай дьайыы кыттыылааҕын үҥсүүтүнэн бэрэбиэркэни ыытта. Бу туһунан СӨ Борокуратууратын пресс-сулууспата иһитиннэрэр. Сайабылыанньа суруйбут…
Уоппусканы былааннааһын – сынньанар сири талыы эрэ буолбатах, үп-харчы былааннааһына эмиэ буолар. Эспиэрдэр бигэ хамнастаах…
Саха сиригэр СӨ Үөрэҕин уонна билимин министиэристибэтинэн байыаннай дьайыы кыттыылаахтарыгар уонна кинилэр оҕолоругар анаан уонтан…
Бүлүү улууһугар «Куттала суох хараас» профилактическай эриэйдэ чэрчитинэн баһаартан сэрэтэр сыалтан хараастарга бэрэбиэркэлэр ыытыллаллар. Тэрээһини…
Саха сирин кикбоксиҥҥа сүүмэрдэммит хамаандата Арассыыйа чөмпүйэнээтигэр түөрт боруонса мэтээли ылары ситистэ. Дойду сүүмэрдэммит хамаандатын…
Аллараа Новгород куоракка, “Бастакылар хамсааһыннарын” тумус туттар бырайыагынан буолар, Бүтүн Арассыыйатааҕы “Большая перемена” күөн күрэс…