Хаартыска: www.sakha.gov.ru
Бүтүн Арассыыйатааҕы #МЫВМЕСТЕ аахсыйа, өрөспүүбүлүкэтээҕи «Саха сирэ эйигин кытта!» уонна Кыайыы волонтердара бүгүн Арассыыйа былааҕын күнүгэр анаммыт бары патриотическай аахсыйаларга көхтөөхтүк кытыннылар.
Бу туһунан бүгүн, атырдьах ыйын 22 күнүгэр, Бүтүн Арассыыйатааҕы #МЫВМЕСТЕ аахсыйа Саха сиринээҕи ыстаабын салайааччыта Айаал Винокуров иһитиннэрдэ.
«Саха сирин волонтердара Арассыыйа былаахтаах тыһыынчанан лиэнтэни түҥэттилэр, судаарыстыбаннай бырааһынньык устуоруйатын уонна биһиги судаарыстыбабыт былааҕын суолтатын туһунан кэпсээтилэр», — диэн волонтердар лидердэрэ бэлиэтээтэ.
«Бүгүн Дьокуускайга «Курск, биһиги эһигини кытта» аахсыйа чэрчитинэн волонтердар хас биирдии киһиттэн, тэрилтэлэртэн Курскай уобалас эмсэҕэлээбиттэригэр анаан гуманитарнай көмөнү хомуйдулар», – диэн ыстааб салайааччыта эбэн кэпсээтэ.
Айаал Винокуров «Курск, МЫ с тобой!» Бүтүн Арассыыйатааҕы ыстаабын Саха сиринээҕи волонтердара өрөспүүбүлүкэ бары оройуоннарынан байыаннай дьайыы кыттааччылар дьиэ кэргэттэригэр аадырыстаах уонна атын көмөнү оҥороллорун санатта. Сайаапкалары 112 «Итии лииньийэ» нөҥүө ылыллар.
Гуманитарнай көмө пууна Дьокуускай к., Бестужев-Марлинскай аатынан уулусса, 5 дьиэтэ (ДОСААФ дьиэтэ) аадырыһынан үлэлиир. Пуун үлэ күннэригэр сарсыарда 10.00 чаастан киэһэ 18.00 чааска диэри үлэлиир.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…