Эр киһи куйаар ситимигэр нацизм туһунан суруйан суут иннигэр туруоҕа

Саха сирин олохтооҕо куйаар ситимигэр нацизмы  реабилитациялыыр туһунан кэмэнтээрийдээбитин иһин  дьыалатынан суут иннигэр туруоҕа.

Бу туһунан Саха сиринээҕи Силиэстийэлиир кэмитиэтин пресс-сулууспата иһитиннэрэр. РФ Холуобунай Кодексынан Алдан олохтооҕо куйаар ситимигэр нацизмы  реабилитациялыыр туһунан суруйан тарҕаппытыгар холуобунай дьыала силиэстийэлээһинэ түмүктэннэ. Буруйданааччы былырыын алтынньы 31 күнүгэр Алдан куорат Октябрьскай уулуссатыгар турар кыбартыыратыгар олорон биир социальнай ситим мессенджеригэр нацистыы хайысхалаах кэмэнтээрий суруйан тарҕаппыт.

Силиэстийэлиир дьайыылар уонна суут эспэртииһэтин түмүгүнэн борокуратууранан бигэргэтиллибит холуобунай дьыала суут көрүүтүгэр ыытылынна.