15 мөлүйүөннээх бириискэ киирсиэххэ сөп

РФ Бэрэсидьиэнэ “Россия – страна возможностей” платформатын “ТопБЛОГ” ааптардарыгар Арассыыйаҕа бастакы үөрэхтээһин бырайыага «Спецноминациялар 2.0» куонкуруһу тэрийэр.  Саха сирин олохтоохторо бэйэлэрин блогтарын федеральнай былаһааккаҕа таһаарар, туһалаах бэлэхтэри тутар  уонна сайдар кыахтаналлар. Бырайыак “Үөрэхтээһин” национальнай бырайыак чэрчитинэн олоххо киллэриллэр, сайаапкалары балаҕан ыйыгар диэри саайтка ыытыахха сөп.

Бүтүн Арассыыйатааҕы  «ТопБЛОГ» үөрэхтээһин бырайыага медаиндустрияҕа карьераны оҥосторго уонна социальнай ситимнэргэ аудиторияны кытары көдьүүстээхтик үлэлииргэ үөрэнэргэ көмөлөһөр. Бырайыак үс сезон устата Арассыыйа 89 эрэгийиэниттэн  150 тыһыынчаттан тахса блогеры түмтэ.

««Спецноминациялар» куонкурус бириистээх пуондата быйыл 15 мөлүйүөн солкуобайтан таҕыста. 12 анал номинация хас биирдии тиэмэтин улахан партнер сүрүннүүр уонна биһиги “ТопБЛОГ” бырайыагы кытта профильнай медиалар, PR уонна маркетинг тэрилтэлэрэ, федеральнай биэдэмэстибэлэр, үрдүк үөрэх сүрүн кыһалара, судаарыстыбаннай корпорациялар, бөдөҥ ааҕыныстыбалар уонна сырдатар бырайыактар бииргэ үлэлиэхтэрин баҕаралларыттан үөрэбит. Бу блогинг  уопсастыба социальнай, бэлитиичэскэй олох быстыбат сорҕотунан буоларын бигэргэтэр. Оттон социальнай блогинг биһиэхэ үгэс буолбут сыаннастары өйүүргэ, үтүө санаа санааларын олоххо киллэрэргэ, дойдубутун кытта тэҥҥэ сайдарга көмөлөһөр”, — диэн «Россия – страна возможностей» АНО ситэриилээх дириэктэрэ, “Сенеж” управление мастарыскыайын ректора Андрей Бетин бэлиэтээн эттэ.

Саха сирин олохтоохторо “ТопБЛОГ” бырайыакка 2020 сылтан көхтөөхтүк кытталлар. Үс бастакы сезоҥҥа эрэгийиэн 431 олохтооҕо кыттыбыта, кинилэртэн 4 киһи туһалаах контент ааптардарыгар куонкуруска финалистарынан биллэриллибитэ. 2024 сылга эрэгийиэн 56 олохтооҕо “ТопБЛОГ” бырайыак “Медиалаборатория”  үөрэхтээһин бырагырааматыгар сайаапкатын хайыы үйэ биэрдэ. Билигин өрөспүүбүлүкэ бары олохтоохторугар «Спецноминациялар 2.0» куонкуруска кытталларыгар кыах бэрилиннэ. 500-чэ сурутааччылаах контеннар ааптардара араас тиэмэнэн уонна салаанан кыттыахтарын сөп. Кинилэр социальнай ситимнэрэ Арассыыйа сиригэр-уотугар көҥүллээхтэрэ улахан суолталаах. Куонкурус бары түһүмэҕэр кыттыы босхо уонна сааһынан хааччаҕа суох. Хас биирдии кыттар блогер бэйэтигэр чугас анал номинацияны: «Наука уонна үөрэхтээһин», «Айаннар», «Салайыы, экэниэмикэ уонна уопсастыба”,  «Дьиэ кэргэн уонна көлүөнэ», «Култуура уонна айар үлэ”,  «Успуорт уонна олох көхтөөх уобараһа”,  «Аныгы технологиялар”,  «Бигэ тирэхтээх сайдыы», «Медиа уонна маркетинг», «Кулинария», «Россия – страна возможностей», «Территория новых возможностей» талыан сөп.

«Спецноминациялар 2.0» трек кыайыылаахтара Бүтүн Арассыыйатааҕы медиапуорумҥа ыҥырыллыахтара,

«ТопБЛОГ» бырайыак туһунан сонуннары https://topblog.rsv.ru сайтка, ону сэргэ  ВКонтакте (https://vk.com/topblog_rsv) и Telegram (https://t.me/topblog_rsv) булуохха сөп.