15 саастаах уол суол быһылааныгар суорума суолланна

Бэс ыйын 23  күнүгэр киэһэ  23:05 ч. Ис дьыала министиэристибэтин Нам улууһунааҕы дьуһуурунай чааһыгар  суол саахалыгар эчэйиини ылбыт 15 саастаах уол мэдиссиинскэй көмөҕө наадыйарын туһунан иһитиннэрии киирбит.

Быһылаан тахсыбыт сиригэр Госавтоинспекция үлэһиттэрэ тиийбиттэр. Барыллааһын быһыытынан, бэс ыйын 23 күнүгэр 21 чаас саҕана  Хатас  сэл. Габышев уулуссатын   11 нүөмэрдээх дьиэтин таһыгар 2010 сыллаах төрүөх уол ROLIZ 200 матасыыкылы ыытан иһэн,    ДАЙХАТЦУ ТЕРИОС массыынаҕа баран түспүт.

Хомойуох иһин, матасыыкылы ыытан испит уол улахан эчэйиини ылан, балыыһаҕа киирэн тыына быстыбыт.

Бэрэбиэркэ кэмигэр биллибитэ,   мотоциклист  шлемэ суох сылдьыбытын ааһан, бырааба суох уонна матасыыкыла Госавтоинспекция учуотугар туруоруллубатах эбит.  Аны 18 састтаах массыына суоппара массыынаны ыытар бырааба суоҕа биллибит.