Айсен Николаев ахсынньыга Горнай улууһугар Атамайдааҕы култуурунай киин тутуутун түмүктүүргэ сорудахтаата
05.10.2024, 19:30
Хаартыска: СИА
Бөлөххө киир:
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл бүтүөр диэри үлэни түмүктүүргэ модьуйда. Бу туһунан Ил Дархан уонна Бырабыыталыстыба пресс-сулууспатыгар иһитиннэрдилэр.
2022 сылга саҕаламмыт саҥа киин тутуута Владимир Путин сорудаҕынан биир кэлим Уһук Илиҥҥи субсидияттан үбүлэнэр. Таһынааҕы үлэлэр бары кэриэтэ түмүктэннилэр.
2000 кв.м. иэннээх саҥа киин иһинэн успуорт саалата, тренажернай уонна хореографическай саалалар, сыана, бибилэтиэкэ, быыстапкаларга уонна сиэр-туом ыытарга аналлаах хостор, ону тэҥэ уопсастыбанньыктар уоннаурбаанньытар хосторо тэриллиэхтэрэ. Ону сэргэ фотоустуудьуйа баар буоларын туһунан санаттылар.
Тутуу 2021 сылга ойуур баһаарын кэнниттэн Атамай нэһилиэгин чөлүгэр түһэрии үлэлэр чэрчитинэн ыытыллар. Владимир Путин сүбэ мунньахха эппит Айсен Николаев сорудаҕынан тыа сиригэр саҥа оскуола эмиэ тутулунна.
+1
3
+1
+1
+1
+1
+1
+1
Сообщить об опечатке
Текст, который будет отправлен нашим редакторам: