1589 саха буойунун аата үйэтитилиннэ

Саха сирин баһылыга Айсен Николаев 1941-1945 сс. Аҕа дойдуну көмүскүүр  сэрии сылларыгар Новгородскай уобалас сиригэр-уотугар олохторун толук уурбут 1589 саха буойуннара ааттардаах өйдөбүнньүк билиитэлэри арыйыыга кыттыыны ылла.

«Бу сир — бырааттыы, тулуурдаах буолуу бэлиэтэ, манна дойду үрдүнэн үгүс киһи кыттыбыта, олор истэригэр сахалар эмиэ хорсуннук охсуспуттара. Бу дьоруойдуу кыргыһыы устуоруйата Саха сирин уонна Новгород уобалаһын  үйэлэр тухары ситимнээбитэ. Бэс ыйыгар Мамаев курганыгар Сталинград иһин кыргыһыыга охтубут саха буойуннарыгар бастакы обелиск арыйбыппыт. Маннык мемориаллар Смоленскай, Псков, Калуга уобаластарыгар эмиэ арыллыахтара. Билигин, 80 сыл буолан баран, «Ким да умнуллубат, туох да умнуллубат» диэн тыллар хаһааҥҥытааҕар да суолталаахтар. Кэм дьоруойдарыгар махталбытын күүһүрдэр эрэ. Кинилэр хорсун быһыылара биһиэхэ уонна инники көлүөнэҕэ тирэх, холобур, буолар», — диэн Айсен Николаев бэлиэтээтэ.

Сиһилии: https://www.sakha.gov.ru/news/10462