Саха остуруога турбут миэстэтин хаһыытын археологтар 2025 сылга салгыахтара

Куорат киинигэр саха остуруога турбут миэстэтигэр  археологическай хаһыылар үлэлэрэ 2025 сылга салҕаныа.

Бу туһунан  Саха сирин култуурунай нэһилиэстибэтин эбийиэктэрин харыстыыр управлениетын салайааччыта Николай Макаров ТАСС иһитиннэрдэ. Хаһыылар киин куоракка Каландаришвили аатынан уулуссаҕа салҕаныа. Иэнэ — 500 кв. м.

Санаттахха, бу миэстэҕэ XVII үйэтинээҕи ураты туос грамоталара булуллубуттара. Археологтар бу Уһук Илиҥҥэ бастакы булумньу буоларын биллэрбиттэрэ уонна сүппүт архыып сорох чааһа буолуон сөбүн сабаҕалыыллар.

Балаҕан ыйыгар булумньуну сыыппараҕа көһөрүү саҕаламмыта. Археологическай хаһыы сүрүн сыала- соруга уларыйбата: учуонайдар архитектура уонна остуруок тутуутун тобохторун булуохтарын баҕараллар. Кэлэр өттүгэр бу сиргэ олорор дьиэ комплексын тутуута ыытыллара былааннанар.