1,6 киилэ кыһыл көмүһү атыылыы сатаабыт

Уус Маайа олохтооҕо эр киһи 1,6 киилэ кыһыл көмүһү атыылыы сатаабыт. Холуобунай дьыала тэрилиннэ.

Саха сиринээҕи УФСБ үлэһиттэрэ суһал-көрдүүр тэрээһини ыыта сылдьаннар кыһыл көмүһү батара сатыыр киһини булбуттар. Кини кыһыл көмүс бытархайдарын атын эрэгийиэҥҥэ атыылыыр сыаллаах эбит, атыылаһар киһини булбут.

8,4 мөлүйүөн солкуобай сыаналаах кыһыл көмүһү былдьаатылар.