16 саастаах оҕо дьон матасыыкылын уоран атыылаабыт

Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк. сыаналаах тырааныспарын гарааһыттан ылан барбыттар. Бу туһунан СӨ ИДьМ суруйар.

Холуобунай ирдэбил үлэһиттэрэ быһаарбыттарынан, 16 саастаах оҕо уорбаланар.

Быһаарыллыбытынан, уорбаланааччы матасыыкылы бэлиэтии көрөн, гараас кырыыһатынан киирбит. Иһиттэн ааны аһан, тырааныспары уоран барбыт. Салгыы бу матасыыкылы 12 тыһ.солк. атыылаабыт. Уоруллубут төннөрүллүбүт.

Уоруунан холуобунай дьыала тэриллибит.