Мария Васильева хаартыскаҕа түһэриитэ, ЯСИА.
Бу күннэргэ Дьокуускай куорат полициятын 4-с нүөмэрдээх отделын дьуһуурунай чааһыгар олохтоох дьахтартан сайабылыанньа киирбит.
Дьахтар дьиэтиттэн биллибэт дьон кыыһын икки паара боруобата суох наушнигын уорбуттарын туһунан эппит. Хоромньу уопсай кээмэйэ 30 тыһ. солк. кэриҥэ.
Суһал-ирдиир үлэ кэмигэр холуобунай ирдэбил үлэһиттэрэ, урут сууттана сылдьыбыт 16 саастаах уол уорбутун быһаарбыттар. Бу уол дьахтар кыыһын доҕоро эбит.
Ол курдук кыыс табаарыһын дьиэтигэр ыалдьыттата ыҥырбыт. Киэһээ кыыс ийэтэ кэлэн, ыалдьыт уолу дьиэтигэр барарыгар көрдөспүт. Уол тахсаары туран остуолга боруобата суох наушниктары көрбүт уонна ким да көрбөтүнэн уоран ылбыт.
Уорбут биир паара наушнигын комиссионнай маҕаһыыҥҥа 7 тыһ. солк. туттарбыт.
Билигин 16 саастаах уолга РФ Холуобунай кодексын 158 ыст. 2 чааһынан холуобунай дьыала көбүтүлүннэ.
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…